ეკონომიკის მინისტრმა გიორგი ქობულიამ გავრცელებულ ჩანაწერებზე პირველი კომენტარი გააკეთა.

მისი თქმით, საქართველოს მოსახლეობას უჭირს და მსგავსი ტიპის ინფორმაციაზე საზოგადოება სწორედ ამის გამო რეაგირებს.

"ჩვენი პოლიტიკური კრიზისები, რაც არის, არ არის რეალურად კრიზისი. ეს არის ყველაფერი ამოწოვილი და ეს არამარტო იმისთვის კეთდება, რომ არჩევნებია. ამის ძირითადი საფუძვლები, ფუნდამენტური პრობლემა, არის ჩვენი ხალხის გასაჭირი, ჩვენს ხალხს უჭირს. ამიტომ, როცა ხალხს უჭირს, რა თქმა უნდა, უკმაყოფილებაა. ეს უკმაყოფილება სხვადასხვა ფორმით გამოიხატება. ასეთი ტიპის ვითომ კრიზისები, რომელიც რეალურად კრიზისი არ არის, რომ გავასწოროთ, ამის ერთადერთი გზა არის ეკონომიკის გაძლიერება და ხალხის კეთილდღეობის ამაღლება. აბა გადახედეთ, ასეთი რაღაცები ხდება ისეთ ქვეყნებში, როგორიცაა ჰოლანდია, საფრანგეთი, ავსტრია, შვეიცარია - არა, იმიტომ რომ ხალხს არ უჭირს და ასეთ რაღაცებს არ გამოეკიდება" - აღნიშნა მინისტრმა.