"ესაა სირცხვილი... არ მეგულება მამა, რომელიც თავისი შვილი დაცვას არ შეეცდება"

"ესაა სირცხვილი... არ მეგულება მამა, რომელიც თავისი შვილი დაცვას არ შეეცდება" - გოგა ხაინდრავა მირზა სუბელიანზე

პოლიტიკა - 13:17, 18 Oct, 2018

12614

გოგა ხაინდრავა ფარული ჩანაწერების გავრცელებას მიხეილ სააკაშვილის მართულ სპექტაკლს უწოდებს, მისი თქმით სააკაშვილი ნაციონალური მოძრაობისა და ევროპულლი საქართველოს მეშვეობით რუსულილ სცენარის გათამაშებას ცდილობს. ხაინდრავას თქმით, მირზა სუბელიანი მძიმე მდგომარეობაში იმყოფება და მისი ნათქვამის მტკიცებულებად მიღება შეუძლებელია:

„მე არ ვუსმენ ფარულ ჩანაწერებს, რადგან ესაა კოშმარი, რომელშიც „ნაციონალურ მოძრაობას" უნდა ამყოფოს ეს ქვეყანა. არ ვიცი რატომ იყო ნახსენები ჩემი გვარი ამ შემთხვევაში. მე მირზა სუბელიანს ვიცნობ, ერთი-ორჯერ ვართ შენახვედრი. ანაკლიაში ფილმს ვიღებდი და იქ იყო მაშინ. ამით შემოიფარგლება ჩვენი ნაცნობობა. სუბელიანის ოჯახის დევნა დაიწყო, ითხოვდნენ მის დაპატიმრებას, ასევე მისი მეუღლისა და შვილის სანათესაოს დაპატიმრებას. ნამდვილი დევნა იყო. 30-იან წლებში, რასაც "ნაციონალური მოძრაობის" წინაპრები - ბოლშევიკები ახორციელებდნენ, ზუსტად ისეთი დევნა დაიწყო. მაშინ ვთქვი, რომ ესაა სირცხვილი. მე არ მეგულება საქართველოში არც ერთი მამა, რომელიც თავისი შვილის დაცვას არ შეეცდება. ერთადერთი ქვეყანა რომელიც დაინტერესებულია დესტაბილიზაციით საქართველოში ეს არის რუსეთი. ორივე შემთხვევაში ეს სააკაშვილის ხელით კეთდება . ყოველდღიურად მოედინება როგორც შხამი, ეს უზნეობა ფარული ჩანაწერების. ეს ყველაფერი ინსპირირებულია კარგად გაწერილი მოსკოვური სპექტაკლით იმისთვის, რომ ეს ქვეყანა აირიოს, ეს ქვეყანა დაანგრიონ და დესტაბილიზაცია გამოიწვიონ.“- განაცხადა ხაინდრავამ.