საქართველოს პარლამენტის იურიდიული კომიტეტის თავმჯდომარე ეკა ბესელია აცხადებს, რომ მას რუსთავი2-ის ეთერში გასული ჩანაწერების ნდობა არ აქვს და ვერც ვერავის პასუხისმგებლობა ვერ დადგება, ჩანაწერის კანონიერებისა და ნამდვილობის დადგენის გადამოწმების გარეშე. აღნიშნული განცხადება ბესელიამ გუშინ რუსთავი2-ის ეთერში გასულ ჩანაწერთან დაკავშირებით გააკეთა, რომელშიც პროკურატურის ყოფილი მაღალჩინოსანი, ამჟამად პატიმრობაში მყოფი მირზა სუბელიანი მიხეილ სააკაშვილის ლიკვიდაციაზე საუბრობდა. ბესელია აქცენტი არა ჩანაწერის შინაარსზე არამედი მისი გავრცელების კანონიერებაზე გააკეთა და აღნისნა, რომ ჩანაწერების უკანონოდ გაკეთება, შენახვა და გავრცელება ისჯება:

„როდესაც თქვენი ტელევიზია რაღაცას მაჩვენებს და მელაპარაკება, მე პირადად ნდობა არ მაქვს. ვერავის პასუხისმგებლობა ვერ დადგება იმიტომ, რომ "რუსთავი 2"-მა რაღაც თქვა. აუცილებელია კანონით რომ გადამოწმდეს კანონიერება, ნამდვილობა. ჩანაწერების გაკეთება, შენახვა და გავრცელება ისჯება და არ არის არაფერი გამონაკლისი გარდა ერთი შემთხვევისა, თუ გამოძიებას არ გადასცემთ მასალას."- განაცხადა ეკა ბესელიამ.