ადვოკატების ინფორმაციით, ჭუმბურიძე ციხის ე.წ. "მაყურებელთან" კონფლიქტის გამო რეჟიმის უფროსის დავალებით სცემეს და კედელზე ხელებით დაკიდეს. ადვოკატებმა ჭუმბურიძე საპატიმროში დღეს მოინახულეს და შეხვედრის შემდეგ კომენტარიც გააკეთეს.

"გლდანის ციხის უფროსის ფიფიას და ციხის უფროსის მოადგილის მოდებაძის დავალებით ჭუმბურიძე ნაცემი იქნა 29აგვისტოს. შემდეგ გააკრეს ბორკილებით კედელზე, იქ ეკიდა 4 საათი. ეს იმიტომ რომ, უარი განაცხადეს მათ მომსახურე პერსონალში როცა იყვნენ, ციხის მაყურებლებისთვის გარკვეული პროცენტის გადახდაზე", - განაცხადა ჭუმბურიძის ადვოკატმა ფიქრია მახარაძემ.

პატიმრის ადვოკატები მოუწოდებენ სახალხო დამცველსა და სასჯელაღსრულების მინისტრს სოზარ სუბარს დაინტერესდნენ აღნიშნული ფაქტით. ჭუმბურიძე ამ დროისათვის ქსნის იზოლატორშია გადაყვანილი.