გაერთიანებული ოპოზიციის „ძალა ერთობაშიას“ წევრები წინასაარჩევნო კამპანიის ფარგლებში ამომრჩეველთან შეხვედრებს განაგრძობენ. ზაალ უდუმაშვილი დღეს დიდი დიღმის მოსახლეობას შეხვდა:

„ჩვენ განვაგრძობთ თბილისის მოსახლეობასთან შეხვედრას, დღეს ვიმყოფებით დიდ დიღომში, დღეს მოსახლეობის განწყობა არის ასეთი, რომ უნდა დავასრულოთ კრიმინალური ხელისუფლება, რომელიც დღეს მართავს ხელისუფლებას, იმიტომ, რომ ამის იქით უკვე უფსკრულია, ამიტომ, 28 ოქტომბერს საქართველოს მოსახლეობა გააკეთებს საკუთარ არჩევანს და მე დარწმუნებული ვარ, რომ ეს არჩევანი იქნება ის, რომ საქართველოს მეხუთე პრეზიდენტი გახდება ბატონი გრიგოლ ვაშაძე“, - განაცხადა ზაალ უდუმაშვილი.