„პარლამენტის თავმჯდომარე უნდა იქნეს პასუხისგებაში მიცემული, როგორც დანაშაულებრივი ჩანაწერის თანამონაწილე“

„პარლამენტის თავმჯდომარე უნდა იქნეს პასუხისგებაში მიცემული, როგორც დანაშაულებრივი ჩანაწერის თანამონაწილე“ - ნიკა გვარამია

პოლიტიკა - 18:33, 16 Oct, 2018

4830

სუბელიანის სკანდალური ჩანაწერი - პროკურატურის ყოფილი მაღალჩინოსნის მირზა სუბელიანის მონაწილეობით გავრცელებული ფარული ჩანაწერი გუშინ პარლამენტის ბიუროს სხდომაზე მთავარი განსახილველი საკითხი იყო. განხილვის დროს „ნაციონალური მოძრის“ წევრის ნიკა მელიას მისამართით ირაკლი კობახიძემ განაცხადა, რომ მელიას „საუბრისას საინტერესო დეტალი წამოცდა“ და მიმართა შემდეგი სიტყვებით: „თქვენი სუბელიანი“. გაურკვეველი იყო მედიისთვის რის წამოცდენაზე საუბრობდა პარლამენტის თავმჯდომარე.

დღეს გამართულ ბრიფინგზე „რუსთავი 2“-ის გენერალურმა დირექტორმა ნიკა გვარამიამ აღნიშნა, რომ კობახიძემ გუშინ აღიარა თავისი ქცევით, რომ დღეისთვის მზადდებოდა ფარული ჩანაწერი დადგმული სცენარით.

„რაც შეეხება საქართველოს პარალმენტის თავმჯდომარის გუშინდელ განცხადებას, რომელიც ნიკა მელიას ძალიან მოულოდნელად დაესხა თავს, რომ მას წამოსცდა რარაც პირდაპირ ეთერში, ეს წამოცდენა იყო არა ნიკა მელიასი, არამედ პარლამენტის თავმჯდომარის, სწორედ ამ ჩანაწერის შინაარსისკენ წაიყვანა გუშინ პარლამენტის თავმჯდომარემ თავისი შენიშვნა, რაც მეტყველებს იმაზე, რომ ამ უმძიმეს დანაშაულში არა მხოლოდ პირველ დანაშაულში, არამედ ახლა შექმნილ დანაშაულებრივ ჩანაწერში, რომლითაც ცდილობენ უმძიმეს კრიმინალურ მოვლენებს დააფარონ ხელი და ჩაფარცხონ, გარეულია არა მხოლოდ სამართალდამცავი ორგანოები, არამედ საქართველოს პოლიტიკური ხელისუფლების უმაღლესი ხელმძღვანელობა. პირველ რიგში საქართველოს პარლამენტის თავმჯდომარე, ირაკლი კობახიძე, რომელმაც გუშინდელი თავისი ყველასთვის აუხსნელი ჩართვით თუ ჩაკითხვით, ნიკა მელიას საუბარში, პარლამენტის ბიუროზე, როდესაც ის ეუბნებოდა, რომ ეს წამოცდენააო, მიგვანიშნა მისდაუნებურად, რომ ის საქმის კურსში იყო, რომ ამგვარი დანაშაულებრივი ჩანაწერი იგეგმებოდა და ითხზვებოდა ხელისუფლების კულუარებში. ამიტომ, საქართველოს პარლამენტის თავმჯდომარეს, ჩვენ ასევე ვადანაშაულებთ დანაშაულში თანამონაწილეობისთვის და მივიჩნევთ, რომ იგი უნდა იქნეს პასუხისგებაში მიცემული და მის წინააღმდეგ უნდა გატარდეს კანონმდებლობით დადგენილი ყველა ზომა და დადგინდეს მისი მონაწილეობის მასშტაბი ამ საქმეში“, - განაცხადა ნიკა მელიამ.