ამერიკელი მილიარდერი და ფილანტროპი პოლ ალენი ონკოლოგიური დაავადების გართულების შედეგად 65 წლის ასაკში გარდაიცვალა. ალენმა კომპანია „მაიკროსოფტი“ მეგობართან, ბილ გეიტსთან ერთად 1975 წელს დააფუძნა. მან კომპანია 1983 წელს დატოვა მას შემდეგ, რაც პირველად დაუსვეს კიბოს დიაგნოზი. მკურნალობის წარმატებული კურსის შემდეგ ალენმა საინვესტიციო საქმიანობა დაიწყო, დააფუძნა კოსმოსური სატრანსპორტო კომპანია Stratolaunch-ი და ხელოვნური ინტელექტის კვლევის და ბიომეცნიერების ინსტიტუტები.

პოლ ალენის ქონება 20 მილიარდ დოლარადაა შეფასებული. ალენმა ორი მილიარდი დახარჯა ქველმოქმედებითვის, მათ შორის, ებოლას ვირუსთან საბრძოლველად და სიეტლში უსახლკაროთათვის საცხოვრებლების მშენებლობისთვის.

„პოლი იყო ნამდვილი პარტნიორი და ძვირფასი მეგობარი“ - ნათქვამია ბილ გეიტსის სამძიმრის წერილში.