საქართველოს პრეზიდენტი გიორგი მარგველაშვილი დღეს გამართული ბრიფინგის ფარგლებში წინასაარჩევნო პერიოდში რუსეთ-საქართველოს აგვისტოს ომთან დაკავშრებით გაკეთებულ განცხადებებს გამოეხმაურა. კერძოდ მან მმართველი გუნდის მიერ მხარდაჭერილი კანდიდატის სალომე ზურაბიშვილის განცხადებების საპასუხოდ, აღნიშნა, რომ საქართველო არის რუსეთს მიერ ოკუპირებული და განცხადების ფარგლებშ, მან ქართულ ჯარს მიმართა:

„ჩემთვის მნიშვნელოვანია ქართული ჯარის საკითხი, ჩემთვის შემაშფოთებელი იყო ეს თემა და დღეს იმ ადამაინებს მინდა მივმართო, ვინც იარაღით ხელში ჩვენს ქვეყანას იცავს, მინდა მივმართო ქართველ ჯარისკაცებს, იცოდეთ, მიუხედავად პოლიტიკური დებატებისა, თქვენი წმინდა მოვალეობაა დაიცვათ საქართველოს ტერიტორიული მთლიანობა, იყოთ მტკიცე ჩვენი მოქალაქეების დაცვაში, საქართველოს უფლებაა გაანადგუროს მტერი ჩვენს ტერიტორიაზე და დაიცვას ქვეყნის სუვერენიტეტი არის ის უფლება რაზეც შენდება სახელმწიფო, თქვენი გრმირობა ყოველთვის იყო და იქნება დაფასებული, ქართველი ხალხი მადლიერია თქვენი თავგანწირვის და თქვენს მიერ შეწირული სიცოცხლის, ამ პოლიტიკურმა დებატებმა თქვენზე არ უნდა იმოქმედოს, საქართველო, როემლიც ოკუპირებულია რუსეთს მიერ, რომელიც იქნა თავდასხმის ობიექტი, ამ საქართველოსთვის სამსახურს, მოქალაქეები გიფასებენ და მადლიერნი არიან ამისთვის. თქვენ ხართ ის სიმტკიცე, რომელზეც ჩვენი ქვეყანა და ერი დგფას“, - განაცხადა მარგველაშვილმა.