სკანდალური ჩანაწერები - მირზა სუბელიანს დღეს დაკითხავენ

პოლიტიკა - 09:50, 16 Oct, 2018

1292

დღეს პროკურატურის ყოფილ მაღალჩინოსანსა და სკანდალური ჩანაწერების მთავარ ფიგურანტს, მირზა სუბელიანს გლდანის მერვე დაწესებულებაში დაკითხავენ. მანამდე მირზა სუბელიანს ადვოკატი მოინახულებს და თავის დაცვის ქვეშ მყოფის პოზიციას აგეცნობა.
"ფარულ აუდიოჩანაწერთან დაკავშირებით 12 ოქტომბერს დაწყებული გამოძიების ფარგლებში, სადაც სავარაუდოდ მირზა სუბელიანი, ვიქტორ ჯაფარიძე და დავით ცუხიშვილი ფიგურირებენ, მირზა სუბელიანი გამოიკითხება.
ამეტაპზე გამოძიების მიერ გამოკითხულია დეპუტატი ვიქტორ ჯაფარიძე, დავით ცუხიშვილი და სპეციალური პენიტენციური სამსახურის თანამშრომელი ი.პ.
შეგახსენებთ, რომ ფარულ აუდიოჩანაწერებთან დაკავშირებით გამოძიება მიმდინარეობს სისხლის სამართლის საქმეზე პირადი ცხოვრების საიდუმლოს უკანონოდ მოპოვებისა და შენახვის, იძულების, პატიმრობაში მყოფი პირის კერძო საუბრის უნებართვო ჩაწერის, ჩანაწერის უკანონოდ შენახვისა და ხელმისაწვდომობის უზრუნველყოფის და სამსახურებრივი უფლებამოსილების შესაძლო გადამეტების ფაქტებზე, საქართველოს სისხლის სამართლის კოდექსის 150-ე მუხლის პირველი ნაწილით, 1571 -ე მუხლის პირველი ნაწილით, 158-ე მუხლის პირველი და მე-2 ნაწილებითა და 333-ე მუხლის პირველი ნაწილით გათვალისწინებული დანაშაულის ნიშნებით"- განუცხადეს "ნიუპოსტს" მთავრ პროკურატურაში.

საგამოძიებო უწყებაში უკვე დაკითხეს აუდიოჩანაწერის სხვას ფიგურანტები დავით ცუხიშვილი და დეპუტატი ვიქტორ ჯაფარიძე.