"პარტია, რომელიც ქალაქის ცენტრში სისასტიკის ამსახველ კადრებს გვაყირებინებდა, ამბობს, რომ ეს ჩანაწერი უნდა გამოიძიონ"

"პარტია, რომელიც ქალაქის ცენტრში სისასტიკის ამსახველ კადრებს გვაყირებინებდა, ამბობს, რომ ეს ჩანაწერი უნდა გამოიძიონ" - ლევან ღამბაშიძე

პოლიტიკა - 00:00, 16 Oct, 2018

3332

ფილოსოფოსი, გადაცემა „ კვირის შუადღის“ წამყვანი ლევან ღამბაშიძე სკანდალური ჩანაწერების გავრცელების შემდეგ, ხელისუფლების რეაქციაზე საუბრობს და აღნიშნავს, რომ მმართველი გუნდის წევრები, რომლებიც შუა ქალაქში სისასტიკის ამსახველ კადრბს უჩვენებდნენ საზოგადოებას, გუშინ გავრცელებულ ჩანაწერზე ამბობენ, რომ დადგინდეს უნდა საიდან მოვიდა ჩანაწერები.

„მე არ ვარ იმის მომხრე, რომ რადგან ერთი აკეთებდა ამიტომ მეორე, რომ გააკეთებს უნდა წამოაძახო. ძალიან სასაცილოდ გამოიყურება მაგალითად ეკა ბესელია, რომელიც ამბობს, რომ ეს კადრები უნდა გამოვიძიოთ საიდან მოვიდა. ამას ამბობს პარტია, რომელიც საჯაროდ გვაყურებინებდა ქალაქის ცენტრებში სისასტიკის ამსახველ კადრებს,“-განაცხადა ლევან ღამბაშიძემ.

"ბიძინა ივანიშვილი რომ ხელისუფლებას ჩამოვაცილოთ, ვიღა დარჩებიან? რა არის მათი პოლიტიკური კარიერა, კობახიძის გარდა სხვებიც რომ დავასახელოთ? პოლიტიკას ეგენი აღარ გააგრძელებნ, ხალხი მათ არ იცნობს და ალბათ გააკეთებენ ბიზენსს, ეს მოდელი მმართველობის არის კლასიკური ოლიგარქია. ეს მოდელი შეიძლება კარგიც იყოს, რომ შეხედო, დიდდად რა ფუჭდება? გზებსაც ვაგებთ, ელტონ ჯონიც მღერის, დიდი კატასტროფებიც არ ხდბეა, მაგრამ ცუდი რა არის? ვერ ვიშორებთ და ოლიგარქია არ წარმოადგენს ხალხს, მდიდარი ხალხის გარდა. თუ გავითვალისწინებთ ჩვენს სოციალურ ფონს, დიდი აცდენაა. ვინ წარმოადგენს ღარიბ ხალხს, დევნილებს? დაგუგლეთ მწვანეთა პარტიის ლიდერი, ერთადრთი სპიჩი აქვს, რომ ნაციონალურ მოძრაობას აგინოს, ფოთოლზე საერთოდ არ ლაპარაკობს, ხეები ითხრება და ბუნებაზე არავინ საუბრობს, ეს პარტია არის მხოლოდ ბიძინა ივანიშვილის წარმომადგენელი მთავრობაში. ჩვენ გვამრთავს ის, ვისაც საერთოდ არ აინტერესებს ჩვენი აზრი.

ლევან ღამბაშიძე ამბობს, რომ სამართლებრივ სახელმწიფოში სახელმწიფო ინსტიტუციები ერთმანეთს აკონტროლებენ და ყველა ერთად ემსახურება ხალხის ინტერესებს. თუმცა დღეს ყველაფერი მიმართული ბიძინა ივანიშვილის სურვილებზე.

"დღეს 37 მილიონერი გვყავს პარლამენტში, რაზე ვლაპარაკობთ... და ვინაიდან დღეს ყველაფერი მიმართულია ბიძინა ივანიშვილის და ამ ხალხის ინტერესებზე, ერთადერთი ინსტრუმენტი რაც გრჩება, ეს არის არასამართლებრივი საუშალებების გამოყენება შენი წესრიგის დასამყარებლად. ხედავ, რომ არალეგალურ სივრცეს ვეღარ აკონტროლებ. ჩვენ როგორც მოქალაქეები ვართ ძალიან სუსტები, საშიშროება, რომელსაც ჩვენ განვიცდით, არის რომ ჩვენ სამართლას ვერ მივაღწევთ, რასაც სარალიძის და მაჩალიკაშვილის საქმე აჩვენებს" - განაცხადა ლევან ღამბაშიძემ.