გაერთიანებული ოპოზიციის „ძალა ერთობაშია“-ს საპრეზიდენტო კანდიდატმა გრიგოლ ვაშაძემ დღეს გამართულ ბრიფინგზე გუშინ გავრცელებულ სკანდალურ ფარულ ჩანაწერზე ისაუბრა.

ვაშაძემ აღნიშნა, რომ ამ ფონზე, 28 ოქტომბერს მმართველი გუნდისა და მისი მხარდაჭერილი კანდიდატის მხარდაჭერა ნიშნავსსამშობლოს მომავლისთვის ხაზის გადასმას. საზოგადოებამ კი არჩევანი უნდა გააკეთოს ღირსეულ ცხოვრებასა და ფარცხალაძე-სუბელიანის საწამებელ სარდაფებს შორის:

„ეს ნიშნავს, რომ ხაზი გადავუსვათ ჩვენი სამშობლოს მომავალს, ეს ნიშნავს, რომ მხარი დაუჭირო, იმას, რომ საქართველო გახდეს შეიარაღებული ბანდების და კრიმინალების თარეშის ადგილი. 28 ოქტომბერი არის გზაგასაყარი, ეს არის არჩევანი ყოფნასა და არყოფნას შორის, ეს არ არის არჩევანი უკეთეს და უარეს ცხოვრებას შორის, ეს არის არჩევანი საქართველოსა და არასაქართველოს შორის. ეს არის არჩევანი სახელმწიფოს, სადაც კანონი არის უზენაესი ძალა და ყველასგან დავიწყებულ გოგრაფიულ ტერიტორიას შორის, რომელსაც კრიმინალური დაჯგუფებები მართავენ. ეს არის არჩევანი მოქალაქის ღირსეულ ცხოვრეაბს და ფარცხალაძის და სუბელიანის საწამებელ სარდაფებს შორის. არც ერთი წუთი არ არის დასაკარგი, პირველსავე ტურში, ჩვენ უნდა დავამარცხოთ მაფიოზურ-შეიარაღებული დაჯგუფებები, რაც შეიძლება სწრაფად ჩავატაროთ ვადამდელი საპარლამენტო არჩევნები და ქვეყნის სადავეები ჩავაბაროთ ეროვნულ, პროდასავლურ, კოალიციურ, დემოკრატიულ, პროფესიონალ მთავრობას. სხვანაირად ჩვენ ფიზიკური გაქრობა გვემუქრება, ჩვენ დავკარგავთ სახელმწიფოს, ქართველებს არაფერი არ გვავქს დღეს სახელმწიფოს გარდა და ძალიან მინდა, რომ ყველა მოქალაქემ ეს კარგად გაიგოს. “ - განაცხადა ვაშაძემ.