"ეს თუ მართალია, კოშმარია ! კიდევ კარგი ფაშისტები დაგვიძახეს და არ გაგვიტაცეს"- ეკა გიგაური სუბელიანის სკანდალურ აუდიოჩანაწერებზე

პოლიტიკა - 11:16, 15 Oct, 2018

2909

P.S-ის ეთერში გავრცელებულ სკანდალურ აუდიო ჩანაწერს „საერთაშორისო გამჭვირვალობა - საქართველოს“ აღმასრულებელი დირექტორი ეკა გიგაური ეხმაურება:

“ეს თუ მართალია, კოშმარია ! ვინ არის ეს ხალხი საიდან გამოიჩეკა ? რაის შეიარაღებული ფორმირება ? რა ღირსებაზე ლაპარაკობენ და სახელმწიფოს "ერთგულებაზე "? ვიტამინების დალევა უშვის ამ კაცს ? კიდევ კარგი ფაშისტები დაგვიძახეს და არ გაგვიტაცეს Mikheil Benidze, SulkhanSaladze ! ამ საქმის გამომძიებელია ვინმე ამ ქვეყანაში? არ შეიძლება ჩვენ შეგვეშვან და სადმე სხვაგან აკეთონ ეს უბედურებები”- წერს ეკა გიგაური.

სკანდალური ჩანაწერები გლდანის #8 სასჯელაღსრულების დაწესებულებაშია გაკეთებული. ჩანაწერების მიხედვით, სუბელიანთან საკანში იმყოფებიან „ქართული ოცნების“ დეპუტატი მესტიიდან, ვიქტორ ჯაფარიძე და ლტოლვილთა სამინისტროს ყოფილი მაღალჩინოსანი, გენერალური ინსპექციის ყოფილი თანამშრომელი და მირზა სუბელიანის მარჯვენა ხელი, დათო ცუხიშვილი.

საუბარი თითქმის, საათნახევარი გრძელდება, საიდანაც ირკვევა, რომ მირზა სუბელიანი, ფაქტობრივად, საკუთარი ნებით ჩაჯდა ციხეში - ის გაურიგდა ხელისუფლებას. ვადაც კი წინასწარ არის შეთანხმებული, რამდენ ხანს უნდა დარჩეს ის პატიმრობაში, მაგრამ სუბელიანი უკმაყოფილებას გამოთქვამს მმართველი გუნდის დამოკიდებულებით, ის ამბობს, რომ ხელისუფლება ჯეროვნად ვერ აფასებს მის ერთგულებას, ვინაიდან მან იმდენი რამ იცის, რომ საკმარისია ერთი ან ორი ფაქტი გაასაჯაროვოს, რომ რუსთაველის გამზირი გადაიჭედება და „ქართული ოცნება“ ხელისუფლებაში აღარ იქნება. სუბელიანის თქმით, ის და თავისი ჯგუფი ხელისუფლებას საქმეებს უგვარებდა.