"მივმართავ ბატონ გახარიასა და ბატონ თადუმაძეს, "სოჩიკი" ჩართულია, სანამ წიკწიკებს, კალანდია მკვლელობის მუხლით მიეცით პასუხისგებაში"

"მივმართავ ბატონ გახარიასა და ბატონ თადუმაძეს, "სოჩიკი" ჩართულია, სანამ წიკწიკებს, კალანდია მკვლელობის მუხლით მიეცით პასუხისგებაში" - ზაზა სარალიძე

პოლიტიკა - 10:13, 15 Oct, 2018

6659

თბილისში, ხორავას ქუჩაზე მოკლული მოზარდის, დავით სარალიძის მამა, ზაზა სარალიძე, „რუსთავი 2“-ის ეთერში გასულ ფარულ აუდიო ჩანაწერებს გამოეხმაურა. სარალიძის თქმით, ჩანაწერებმა დაადასტურა ის, რასაც თავად რამდენიმე თვის განმავლობაში აცხადებდა, რომ მოზარდის მკვლელებს ხელს მირზა სუბელიანი აფარებდა, რომელიც თავის მხრივ ხელისუფლებას კომპრომატებით ემუქრებოდა:

„ერთი წელი კი არ უნდა მოუწიოს ციხეში ყოფნა მირზა სუბელიანს, მთელი ოჯახიანად უნდა მოუწიოს სამუდამოდ ციხეში ყოფნა. დაამტკიცა კიდევ ერთხელ, რომ ზაზა სარალიძე არასდროს არ იტყუებოდა და არასდროს არ ვამბობდით ჩვენ ტყუილს, რომ კომპრომატები ჰქონდა რაღაც მირზა სუბელიანს, რომლითაც აშანტაჟებდა ხელისუფლებას.

ქვეყნისთვის კეთილი საქმე გავაკეთეო, ქვეყნისთვის კი არ გააკეთა კეთილი საქმე, „ქართული ოცნებისთვის“ გააკეთა მაგ ნაძირალამ. მთელი ხელისუფლება არის მკვლელებით დაკომპლექტებული,“- განაცხადა ზაზა სარალიძემ რ2-ის ეთერში.

შვილმოკლულმა მამამ სოციალურ ქსელში სტატუსიც გამოაქვეყნა და შს მინისტრსა და მთავარ პროკურორს მიმართა:

„მივმართავ ბატონ გახარიასა და ბატონ თადუმაძეს. სოჩიკი ჩართულია და მალე დაასრულებს წიკწიკს. სანამ წიკწიკებს,კალანდია მკვლელობის მუხლით მიეცითპასუხისგებაში.“- წერს ზაზა სარალძე.