"კალანდია, დიდადაც უნდათ დაიჭირონ, მარა ის ძირი საქმე დაენგრევათ, თორე ჩემი ხათრი სულ არავის არ აქვთ" - სუბელიანის სკანდალური აღიარება ხორავას ქუჩის საქმეზე

პოლიტიკა - 09:50, 15 Oct, 2018

17168

ხორავას ქუჩაზე მოკლული მოზარდების საქმეზე დანაშაულის შეუტყობინებლობის ბრალდებით დაკავებული მირზა სუბელიანი გუშინ P.S-ის მიერ გავრცელებულ ფარულ ჩანაწერში აცხადებს, რომ ხორავას ინციდენტში მონაწილე მიხეილ კალანდიას სამართალდამცავები იმიტომ არ იჭერენ, რომ „ძირი საქმე დაენგრევათ“:

"კალანდია, ბავშვზეა ლაპარაკი, მთავარი მოწმეა, მაგას იმიტო კი არ იჭერენ დიდადაც უნდათ დაიჭირონ მარა ის ძირი საქმე დაენგრევათ თორე ჩემი ხათრი სულ არავის არ აქვთ, ჩემი ხათრი რო ქონოდათ, მაგან მე უკვე თავისი წილი შეურაცხყოფა მომაყენა, როდესაც პირველ დღეს მიიყვანეს და ბავშვები სცემეს.
ვ - ძირი საქმე რა დაენგრევა?
მ - ძირი საქმე მკვლელობის საქმე, ტ..კის თამაშს თავი დაანებონ.

ამათ იცი რისი ეშინიათ რო, ამის თემა, კაკავას... ამის თემა დახურონ რო მერე სამომავლოდ ვიღაცამ არ ამოქექოს.”

ტელეკომპანიის ინფორმაციით, სავარაუდოდ მირზა სუბელიანი საუბრობს იმ პირებზე, ვისაც მან „ხელი დააფარა“. “ვისაც ხელი დავაფარე, ისინი ორივე მაგრად არიან, ერთიც ფულში მაგრადაა და მეორეც ფულში მაგრადაა. მე რა ჩემი ყ..ე წავიღე, არაფერი არ წამიღია.“- აცხადებს სუბელიანი.