ჯანდაცვის ახალი მოდელი საქართველოს - გრიგოლ ვაშაძე სამედიცინო სფეროს წარმომადგენლებს შეხვდა

პოლიტიკა - 22:10, 14 Oct, 2018

722

სამედიცინო სფეროს წარმომადგენლებთან გამართა დღეს შეხვედრა გაერთიანებული ოპოზიციის "ძალა ერთობაშია" საპრეზიდენტო კანდიდატმა გრიგოლ ვაშაძემ, რომელმაც ექიმებს ახალი ჯანდაცვის პროგრამა წარუდგინა.

შეხვედრას ესწრებოდნენ გაერიანებულ ოპოზიციაში შემავალი ლიდერები და საზოგადოებრივი ორგანიზაციების წარმომადგენლები.

საქართველოს პარლამენტართა ასოციაციის წევრმა მანანა ჯებაშვილმა ჟურნალისტებთან იმ კონკრეტულ ხარვეზებზე ისაუბრა, რაც დღევანდელი ხელისუფლების ჯანდაცვის სისტემას ახასიათებს, მათ შორის მედიკამენტების ხარისხი, ჯანდაცვის პროგრამები და პირვლადი ჯანდაცვა.

"დღეს არის საქართველოში ყველაზე წარმატებული ექიმების შეხვედრა გაერთიანებული ოპოზიციის კანდიდატთან გრიგოლ ვაშაძესთან. ჩვენ გაერთიანებულმა ოპოზიციამ წარვადგინეთ საქართველოს ჯანდაცვის ახალი მოედლი, რომელიც არის უფრო უფრო ევროპული, უფრო პროგრესული და ცივილური. ის სრულიად განსხვავდება ამ ხელისუფლების ჯანდაცვის მოდელისგან, რომლის მსგავსი მახინჯი ფორმა, რაც ჩვენს ქვეყანაშია, მსოფლიოში არ არსებობს.

ძალიან ბევრი ხარვეზია ამ ხელისუფლების ჯანდაცვის მოდელში, ყველას ჩამოთვლა გამიჭირდება, მაგრამ პირველი ხარვეზი არის სახელმწიფო პროგრამები, რომელიც არასწორადაა შედგენილი, ვინაიდან სახელმწიფო პროგრამებში მონაწილეობს სახელმწიფო როგორც ერთი გადამხდელი და ის არის მონოპოლისტი. მეორე არის ის, რომ პირველადი ჯანდაცვა სრულიად არ არის განვითარებული, მაშინ როცა განვითარებულ ქვეყნებში პირველადი ჯანდაცვით აღწევენ სიკვდილიანობისა და დაავადებების შემცირებას. მესამე გახლავთ, მედიკამენტების ხარისხი, რომელიც ძალიან დაბალია, შემოდი უხარისხო და ამავე დროს არის ძალიან ძვირი. მაგალითად, ჩვენს მეგობარ თურქეთში, სადაც ხელფასები არის მაღალი, ჩვენს წამლებთან შედარებით, იქ წამლის ფასი არის ძალიან დაბალი.
ჩვენ წარმოვადგინეთ ახალი მოდელი, ყველა მიმართულებით. მაგალითად, მედიკამენტების კუთხით, ჩვენ ვცვლით რეგულირების სისტემას და მიკვლევადობას, რითიც მოწესრიგდება ფასებიც და მოიშლება მონოპოლიები წამალზე. ამდენად, ეს ყველაფერი ჩაჯდება იმ სფეროში, სადაც წამალი იქნება ხარისხიანი და ფასიც ექნება შესაბამისად დაბალი" - განაცხადა მანანა ჯებაშვილმა.