სპეციალური ბრიფინგი გაიმართა დღეს "ევროპული საქართველოს" ოფისში. პარტიის გენერალურმა მდივანმა გიგი უგულავამ, რომელმაც სალომე ზურაბიშვილის მხარდამჭერებს მიმართა და განაცხადა, რომ მისი არჩევა არის შეცდომა, "კომპრომისი სინდისთან".

"ეს არის შეცდომა, რომლის წინაშეც საკუთარ სინდისთან ანგარიშგება მოგვიწევს სამომავლოდ,“ - განაცხადა გიგი უგულავამ, რომელიც ბრიფინგზე მმართველი გუნდის იმ ყოფილ წევრებთან ერთად იმყოფებოდა, რომლებიც ცოტა ხნი წინ "ევროპულ საქართველოს" შეუერთდნენ.

"ევროპული საქართველო - მოძრაობა თავისუფლებისთვის” გენერალური მდივანი ამბობს, რომ ზურაბიშვილის კანდიდატურასთან დაკავშირებით, თითქმის ყველა რაიონში არსებულ „ქართული ოცნების“ შტაბში დაპირისპირებაა.

„ჩვენ გვაქვს ინფორმაცია, რომ „ქართული ოცნების“ შტაბი აღარ დარჩა არც ერთ რაიონში, სადაც არ იყოს წინააღმდეგობა სალომე ზურაბიშვილის კანდიდატურასთან დაკავშირებით... სალომე ზურაბიშვილის გაპრეზიდენტების შემთხვევაში ეს იქნება ნელად მოქმედი ნაღმი, რომელსაც ჩვენივე ხელით დავუდებთ ჩვენს სახელმწიფოს ფუნდამენტში“ - აღნიშნა უგულავამ.