საქართველოს თავდაცვის სამინისტრო მედიასაშუალებაში გავრცელებულ ინფორმაციასთან დაკავშირებით განცხადებას ავრცელებს. საუბარია მინისტრის, ლევან იზორიას ოჯახის უძრავ ქონებას, რაზედაც უწყებაში განმარტავენ, რომ იზორიამ მიწის ნკვეთი საჯარო სამსახურში მუშაობის დაწყებამდე შეიძინა პირადი, რომელიც მან გერმანიაში მუშაობის დროს დააგროვა. სამინისტროში აცხადებენ, რომ აღნიშნული სახლი მგვიანებით მინისტრმა გააქირავა, საიდანაც მისი ოჯახი შემოსავალს იღებს.

"თავდაპირველად უნდა აღვნიშნოთ, რომ თავდაცვის მინისტრის ყველა შემოსავალი არის დეკლარირებული და საჯარო. რაც შეეხება ქონებას, რომელსაც ლევან იზორიას ოჯახი ფლობს, მოგახსენებთ, რომ თავდაცვის მინისტრმა კერძო სახლის მშენებლობისთვის მიწის ნაკვეთი, საჯარო სამსახურში მუშაობის დაწყებამდე შეიძინა პირადი დანაზოგით, რომელიც გერმანიაში მუშაობისა და აკადემიური საქმიანობის დროს დააგროვა. ასევე, დანაზოგებით, აკადემიური საქმიანობითა და შემდეგ უკვე საჯარო სამსახურში მიღებული შრომის ანაზღაურებით, თავდაცვის მინისტრმა დაასრულა სახლის მშენებლობა.

მოგვიანებით, ლევან იზორიამ კერძო სახლი გააქირავა, რამაც მისი ოჯახის შემოსავალი დამატებით გაზარდა. სწორედ ქირის შემოსავლით, სახელფასო ანაზღაურებითა და „საქართველოს ბანკის“ საბანკო სესხით (145,300 აშშ დოლარი) შეიძინა მიწის ნაკვეთი და საცხოვრებელი სახლი ააშენა." - აცხადებენ თავდაცვის უწყებაში.

რაც შეეხება სახლს, რომელიც ვერ მოხვდა დეკლარაციაში, სამინისტროში განმარტავებ, რომ ამის მიზეზია ის, რომ ამ დრომდე მიმდინარეობდა მშენებლობა, რომელიც დასრულდა და ექსპლუატაციაში შევიდა 2018 წლის 14 სექტემბერს. "შესაბამისად, აღნიშნული ინფორმაცია დეკლარირებული იქნება კანონის თანახმად მომდევნო დეკლარაციაში. დამატებით, ნებისმიერ დაინტერესებულ პირს შესაძლებლობა აქვს იხილოს თავდაცვის მინისტრის დეკლარაცია, სადაც ყველა შემოსავალი თუ ხარჯი არის გამჭვირვალე და ყველასთვის ხელმისაწვდომი." - აცხადებენ თავდაცვის სამინისტროში.