უკრაინის ეკლესიის ავტოკეფალია - ავაკოვი რელიგიური ექსტრემიზმსა და შეუწყნარებლობაზე მკაცრი რეაგირების პირობას დებს

მსოფლიო - 15:36, 12 Oct, 2018

1758

უკრაინის შინაგან საქმეთა მინისტრი არსენი ავაკოვი აცხადებს, რომ უკრაინის მართლმადიდებელი ეკლესიისთვის ავტოკეფალიის მინიჭების პროცესში შსს რელიგიური სიძულვილის ან შეუწყნარებლობის საფუძველზე ექსტრემიზმისა და თვითნებობის შემთხვევებს არ დაუშვებს.

შინაგან საქმეთა უწყების ხელმძღვანელი მოუწოდებს პოლიტიკურ და საზოგადო მოღვაწეებს თავი აარიდონ პროვოკაციებს და ქვეყანაში სიტუაციის დესტაბილიზაციის მცდელობებს:

„მოგიწოდებთ, არ დაუშვათ პოვოკაციები და სპეკულაციები, შსს უზრუნველყოფს უსაფრთხოებას და წესრიგს. თუ საჭირო გახდება ექსტრემიზმისა და რელიგიური შეუწყნარებლობის წინააღმდეგ წასვლა, უწყება იმოქმედებს მკაცრად. ნუ იქნება ეს მოულოდნელი „ცხელი თავებისთვის“- განაცხადა ავაკოვმა.

პროვოკაციებისა და დესტაბილიზაციისგან თავის შეკავებისკენ მოწოდება გაავრცელა მსოფლიო საპატრიარქოს სინოდმაც. სინოდი მიმართავს ყველა მონაწილე მხარეს მოწოდებით, რომ თავიდან იქნას აცილებული ეკლესიების, მონასტრების და სხვა ობიექტების მითვისება, ასევე ყველა სხვა სახის ანგარიშსწორება და ძალადობრივი ქმედება.