დღეს ქუთაისში, საღორიის ტყეში პრეზიდენტობის კანდიდატმა, კახა კუკავამ და მისი შტაბის ხელმძღვანელმა, გოგი წულაიამ აქცია გამართეს.

როგორც ცნობილია, სოფლის მეურნეობის სამინისტრო კატეგორიულად ეწინააღმდეგება გლეხების მიერ ტყეში შეშის ჭრას, თუმცა ჩინური და სხვა უცხოური კომპანიები ათიათასობით კუბამეტრისდამზადების ლიცენზიით სარგებლობენ. იმ პირობებში, როდესაც საქართველოს სოფლების უმრავლესობა გაზიფიცირებული არ არის, ხოლო გლეხებს შეშის მოპოვების საშუალება არ ეძლევათ,რეალურად ხელისუფლება ადგილობრივ მოსახლეობას სოფლის მიტოვებას აიძულებს.

დღეს საღორიის ტყეში კახა კუკავამ და გოგი წულაიამ საკუთარი ხელით დაამზადეს შეშა (შესაბამისი მასალისგან) და გადასცეს ერთ-ერთ სოციალურად დაუცველ ოჯახს.