სტამბოლში გამქრალი არაბი ჟურნალისტი - თურქეთი და აშშ საუდის არაბეთისგან განმარტებებს ითხოვენ

მსოფლიო - 20:24, 11 Oct, 2018

2757

არაბი ჟურნალისტი ჯამალ ხაშოგი, რომელიც საუდის არაბეთის მმართველი დინასტიაზე კრიტიკული სტატიების ავტორია, საუდის არაბეთის საკონსულოში 2 ოქტომბერს შევიდა და მას შემდეგ აღარავის უნახავს.
თურქი სამართალდამცავების განცხადებით, ჟურნალისტი ჯამალ ხაშოგი საუდის არაბეთიდან, რომელიც ამერიკის შეერთებულ შტატებში, ნებაყოფლობით გადასახლებაში ცხოვრობდა, გასულ კვირას თურქეთში მდებარე საუდის არაბეთის საკონსულოში მოკლეს.

ჟურნალისტი საკონსულოში დაგეგმილი ქორწინებისთვის დოკუმენტების მისაღებად მივიდა. შენობის გარეთ მას საცოლე ელოდებოდა. საცოლის განცხადებით, ხაშოგი მას შემდეგ გარეთ აღარ გამოსულა და დახმარებისთვის თურქ სამართალდამცავებს მიმართა.

გასულ წელს ჟურნალისტი ვაშინგტონში მას შემდეგ გადავიდა საცხოვრებლად, რაც საუდის არაბეთში დისიდენტების შევიწროება დაიწყეს. ხაშოგი საუდის არაბეთის უფლისწულის მუჰამად ბინ სალმანის კრიტიკოსი იყო. ის მასალებს გამოცემა "ვაშინგტონ პოსტშიც" აქვეყნებდა. გამოცემა „ვაშინგტონ პოსტის“ სარედაქციო საბჭომ კვირას განაცხადა, რომ საუდის არაბეთს, თურქეთს და შეერთებული შტატებს აქვთ პასუხისმგებლობა პასუხი გასცენ ხაშოგის გაუჩინარების საქმეს.

ამერიკის შეერთებული შტატების პრეზიდენტმა დონალდ ტრამპმა საუდის არაბეთის ხელისუფლებას გაუჩინარებული ჟურნალისტის შესახებ განმარტებები მოსთხოვა. თეთრ სახლში განაცხადეს, რომ ჯამალ ხაშოგის თაობაზე საუდის არაბეთის პრინცს მოჰამედ ბინ სალმანს აშშ-ის სახელმწიფო მდივანი მაიკ პომპეო ესაუბრა.

აქმე პირად კონტროლზე პრეზიდენტმა, რეჯეფ თაიფ ერდოღანმა აიყვანა. თურქეთის ხელისუფლება აპირებს, რომ საუდის არაბეთის საკონსულო გაჩხრიკოს. სამეფოს საგარეო საქმეთა სამინისტრო ჩხრეკაზე თანახმაა და აცხადებს, რომ დასამალი არაფერი აქვთ. ოფიციალური ანკარა, ერ-რიადისგან ითხოვს მტკიცებულებას, რომ ჟურნალისტმა საკონსულოს შენობა დამოუკიდებლად დატოვა.