უკრაინის ეკლესიის ავტოკეფალია - ყუბანის კაზაკები მსოფლიო პატრიარქს შეუქცევადი ტრაგიკული შედეგებით ემუქრებიან

მსოფლიო - 19:51, 11 Oct, 2018

4545

ყუბანის კაზაკთა ჯარმა მსოფლიო პატრიარქ ბართლომეოსს ღია წერილით მიმართავს. წერილში, რომელიც დაჯგუფების საიტზე გამოქვეყნდა კაზაკები მსოფლიო პატრიარქისგან მოითხოვენ, რომ უარი თქვას უკრაინის მართლმადიდებელი ეკლესიისთვის ავტოკეფალიის მინიჭების განზრახვაზე და იმუქრებიან, რომ „მამულისა და დედა ეკლესიის ერთიანობისა და მთლიანობის დასაცავად გამოვლენ“

როგორც ყუბანის კაზაკთა ჯარის პრესსამსახურში აცხადებენ, ამჟამად წერილი მხოლოდ საიტზეა გამოქვეყნებული რუსულ ენაზე. პატრიარქმა ბართლომეოსმა, კი რომელიც ეროვნებით თურქია, ეთნიკურად ბერძენი და 7 ენას ფლობს (ბერძნული, თურქული, ინგლისური, იტალიური, გერმანული, ფრანგული, ლათინური), რუსული არ იცის. გაიგზავნება თუ არა წერილი ოფიციალურად ფანარში (სტამბოლის რაიონი, სადაც კონსტანტინოპოლის პატრიარქის რეზიდენციაა) ჯერჯერობით უცნობია:

„ყუბანის კაზაკთა ჯარი, სრულად უჭერს მხარს მოსკოვის საპატრიარქოს პოზიციას და ოფიციალურად აცხადებს, რომ მსგავსი ქმედებებით კონსტანტინოპოლი უახლოვდება წითელ ხაზს, რომლის გადაკვეთაც არ შეიძლება. ეს არის საეკლესიო წესების დარღვევა და ნაბიჯი, რომელიც შეუქცევად ტრაგიკულ შედეგებამდე მიგვიყვანს, ხელს შეუწყობს უკრაინული საზოგადოების და მართლმადიდებელი სამყაროს კიდევ უფრო დანაწევრებას... დღეს დადგა ჩვენი ჯერი რომ დავდგეთ რუსეთის მართლმადიდებელილ ეკლესიის დასაცავად... რუსეთის კაზაკები, კონკრეტულად კი ყუბანის კაზაკთა ჯარი , ყოველთვის იყო „ქრისტეს მხედრობა“, მართლმადიდებლობის რაინდები, ისინი ყოველთვის მზად იყვნენ და არიან დაიცვან თავისი მამულის და დედა-ეკლესიის ერთიანობა“- ნათქვამია მიმართვაში.