გაერთიანებული ოპოზიციის „ძალა ერთობაშია“-ს საპრეზიდენტო კანდიდატი გრიგოლ ვაშაძე ეუთოს სადამკვირვებლო მისიის წარმომადგენლებს შეხვდა. შეხვედრის ფარგლებში ვაშაძემ ქვეყანაში არსებულ წინასაარჩევნო გარემოზე, გამოვლენილ დარღვევებსა და პოლიტიკური პარტიების არათანაბარი პირობების შესახებ ისაუბრა. გრიგოლ ვაშაძემ ყურადღება გაამახვილა პარტიების არათანაბარ დაფინანსებაზე, სუს-ის მიერ ოპოზიციის დევნაზე, მარეგულირებელი კომისიის მიმართვაზე ეთერიდან ამოეღოთ ოპოზიციის პოლიტიკური რეკლამა.

„ერთადერთი თხოვნა, რომელიც ჩვენ მივიღეთ ის იყო, რომ ყველა დარღვევა, რომელიც მოხდება, რომელზეც ჩვენ ეჭვი გვაქვს აუცილებლად იყოს დადასტურებული ფაქტით და საჩივრით და ჩვენ ამას აუცილებლად გავაკეთებთ“- განაცხადა გრიგოლ ვაშაძემ.