ხელისუფლების მხრიდან შეტევებმა შესაძლოა კიდევ უფრო წაახალისოს "რუსთავი2"-ზე თავდასხმა - მესამე სექტორი - არასამთავრობოები არხის თანამშრომლების ცემის ფაქტზე რეაგირებას ითოვენ

პოლიტიკა - 10:19, 11 Oct, 2018

1080

არასამთავრობო ორგანიზაციები “რუსთავი 2”-ის გადამღებ ჯგუფზე განხორციელებულ თავადასხმას ეხმაურებიან. მესამე სექტორი მომხდარის დროულ გამოძიებას ითხოვს.

არასამთავრობო ორგანიზაციები “რუსთავი 2”-ზე ძალადობის წახალისებაში ხელისუფლებას ადანაშაულებენ.

სამოქალაქო სექტორი მთავრობას მოუწოდებს, უარი თქვას ტელეკომპანიის წინააღმდეგ აგრესიული განცხადებების გაკეთებაზე და ადექვატური რეგირება მოახდინოს ისეთ ძალადობაზე, რასაც ადგილი ჰქონდა ხარაგაულში.

“მედიის საქმიანობა უნდა იყოს უზრუნველყოფილი სახელმწიფოში. ხელისუფლების წარმომადგენლებმა უნდა იმოქმედონ კანონის ფარგლებში და მათი ვერბალური შეტევები, შეურაცხყოფები მედიაზე, შესაძლოა წაახალისოს ჟურნალისტების წინააღმდეგ ძალადობის ან უკანონო ქმედების შემთხვევები“ - აცხადებს ”საერთაშორისო გამჭვირვალობა - საქართველოს” პროგრამის მენეჯერი მამუკა ანდღულაძე.

ჟურნალისტები, რომლებიც აშუქებენ პრობლემებს, იძიებენ პრობლემებს იქნებიან მუდმივად საფრთხის ქვეშ, ხელისუფლება ხომ მუდმივ კამპანიას აწარმოებს "რუსთავი 2"-ის წინააღმდეგ, ამან შეიძლება კიდევ უფრო წაახალისოს განსაკუთრებით "რუსთავი 2"-ზე თავდასხმა და "რუსთავი 2"-ის ჟურნალისტებზე თავდასხმა“-ამბობს ტელეკომპანია ”კავკასიას” გენერალური დირექტორი ნინო ჯანგირაშვილი.

გადამღები ჯგუფი ახალი სარკინიგზო მაგისტრალის მშენებლობისას გამოვლენილი დარღვევების შესახებ რეპორტაჟის მოსამზადებლად იყო ჩასული, როდესაც ჩინური კომპანიის წარმომადგენლები მათ ფიზიკურად გაუსწორდნენ.