ოქუაშვილი ჩანაწერები გაკეთებისას მიწუნებდა არტისტიზმს, რამდენიმე დუბლად ვწერდით

ოქუაშვილი ჩანაწერები გაკეთებისას მიწუნებდა არტისტიზმს, რამდენიმე დუბლად ვწერდით - ლევან ყიფიანი

პოლიტიკა - 17:32, 10 Oct, 2018

2263

თბილისის პროკურატუირის მიერ გასაჯაროებულ ჩვენებაში ლევან ყიფიანი ომეგას სამქეზე გავრცელებულ სკანდალურ ჩანაწერებზე ყვება: "ჩანაწერები ჩავწერეთ რამდენიმე დუბლად, რადგან ოქუაშვილი თვლიდა, რომ მე მაკლდა დამაჯერებლობა და მიწუნებდა არტისტიზმს".

ყიფიანი ამბობს, რომ ჩანაწერებს ოქუაშვილი ამონტაჟებდა. ყიფიანი ირწმუნება, რომ ოქუაშვილს "თბილისის თამბაქოს" მეწილე ირაკლი ჩუბინიშვილიც ეხმარებოდა.

„ოქუაშვილი ითხოვდა ხისტ ფორმულირებებს და გვარების ხშირად ხსენებას და ყველა სიტუაციაში, ხშირად კონტექსტიდან ამოგლეჯილად ახსენებდა სხვადასხვა გვარსა და ითხოვდა ისინი მეც მეხსენებინა, რასაც მე ზედმიწევნით არ ვიმეორებდი, რადგან არ ვთვლიდი, რომ უცხოელი პარტნიორებისთვის გვარები დიდად ცნობილი იქნებოდა და ვთვლიდი ,რომ უფრო დამაჯერებელი იქნებოდა ტუკი აქცენტი ფაქტებზე გაკეთდებოდა და თუნდაც გვარის ერთხელ ხსენება საკმარისი იყო, რაზეც ზაზა არ მეთანხმებოდა და ზოგი ეპიზოდი ჩავწერეთ რამდენიმე დუბლად, რადგან ოქუაშვილი თვლიდა, რომ მე მაკლდა დამაჯერებლობა და მიწუნებდა არტისტიზმს.

შესაბამისად, ვთვლი, რომ ჩვენი ჩანაწერები მას მაინც არ მოეწონა და მონტაჟის გზით კიდევ უფრო გაამძაფრა მისი შინაარსი. ახლა კი ვხვდები თუ რატომ ითხოვდა მეტ ხისტ ფორმულირებასა და გვარების დასახელებას, რადგან მას თავიდანვე ჰქონდა გათვლა, რომ უნდა მომხდარიყო მედიაში მისი ტირაჟირება და ქართველი მაყურებლისთვის გაცილებით სკანდალურია ხშირად გვარების ხსენება და ფაქტების სიმძაფრე.

სწორედ ამიტომ მოახდინა ზაზამ ინსცენირებული ჩანაწერების კიდევ დამატებით მონტაჟი . ჩანაწერების დამზადების დროს რომ მოეთხოვა კიდევ უფრო გამძაფრება სიტუაციის ეს ჩემში ეჭვებს აღძრავდა, რასაც ვფიქრობ იმ დრო მოერიდა და მონტაჟის გზით დაამზადა მისთვის სასურველი ჩანაწერი. ზაზას ჩემთვის აქვს ნათქვამი, რომ მას ირაკლი ჩუბინიშვილიც ეხმარებოდა ინსცენირებაში"- წერია ყიფიანის გამოკითხვის ოქმში.