ამის შესახებ საინფორმაციო სააგენტო "ჯი-ეიჩ-ენი" იტყობინება. გაზეთი კვირაში ერთხელ, ყოველ ოთხშაბათს გამოვა, 40 გვერდიანი, განსხვავებული დიზაინის იქნება.

მედია სახლი "ჯი-ეიჩ-ენის" გენერალური დირექტორის გოჩა მირცხულავას, განცხადებით, გაზეთის გამოცემის იდეა ევროპელ კოლეგებთან კონსულტაციების შემდეგ გადაწყდა.

"ჩვენს ევროპელ კოლეგებთან კონსულტაციების შემდეგ კიდევ უფრო გაგვიმყარდა რწმენა, რომ ქართულ საზოგადოებას სჭირდებოდა ახალი სტილისა და შინაარსის გაზეთი. გაზეთის ძირითადი დიზაინი შვეიცარიელმა კოლეგებმა შემოგვთავაზეს. მათვე გაგვიწიეს კონსულტაციები ფორმასა და თემებზე. რაც შეხება ჟურნალისტთა შემადგენლობას, საზოგადოებისთვის ცნობილი ავტორებებთან ერთად ჩვენ მკითხველს შევთავაზებთ ახალ, საკმაოდ საიტერესო სახელებსაც. ამ შემთხვევაში ჩვენს პრივილეგიას წარმოადგენს ის გარემოება, რომ გაზეთში ცალკეულ საავტორო მასალებთან ერთად წარმოდგენილი იქნება საკმაოდ ავტორიტეტული ექსპერტების, ანალიტიკოსებისა თუ პროფესიონალების მოსაზრებები", - აცხადებს გოჩა მირცხულავა.

მისივე თქმით, გაზეთის გამოცემასთან დაკავშირებულ ხარჯებს სრულად უზრუნველყოფს მედია სახლი "ჯი-ეიჩ-ენი".