მედვედევის ბრძანებით შექმნილი ფონდი თბილისში მორიგი ფორუმის გამართვას გეგმავს

პოლიტიკა - 14:55, 10 Oct, 2018

1833

საქართველოს რუს ახალგაზრდათა კავშირი გორჩაკოვის ფონდთან ერთად 13-14 ოქტომბერს თბილისში რუსეთისა და საქართველოს არაკომერციული ორგანიზაციების ახალგაზრდა ლიდერების ფორუმს მართავს, რომლის სახელწოდებაცაა „სახალხო დიპლომატია-კომპრომისების დიალოგი“. ამის შესახენ ინფორმაციას ფონდი ავრცელებს, რომელიც 2010 წელს რუსეთის ექს-პრეზიდენტის, დიმიტრი მედვედევის ბრძანებით შეიქმნა.

ფორუმის გაცხადებული მიზანი არის - „შეიქმნას პლატფორმა რუსეთის და საქართველოს ახალგაზრდების მოწინავე წარმომადგენლების აქტიური ურთიერთობებისთვის.“ ავტორები მიიჩნევენ, რომ პროექტი ხელს შეუწყობს „რუსულ-ქართული დიალოგის განვითარებას“ და ფორუმის დელეგატები მონაწილეობას მიიღებენ „საქართველოში რუსული დიასპორის სტატუსის გაღრმავების მექანიზმების შემუშავებაში, მათ შორის ქართულ საზოგადოებაში არსებულ პრობლემებსა და ქართულ-რუსულ ურთიერთობებში ეროვნულ დიპლომატიის როლის შესრულების პოტენციალის გაძლიერებაში“

ფონდის ინფორმაციით, ფორუმზე მონაწილეობას მიიღებენ რუსი და ქართველი მოოღვაწეები პოლიტიკის, განათლების, კულტურის სფეროდან ასევე მედიისა და სამოქალაქო საზოგადოების წარმომადგენლები და საქართველოს რუსულენოვანი დიასპორის აქტივისტები.

შეგახსენებთ, სექტემბერში თბილისში ჩატარდა ფორუმი, რომელიც ორგანიზებული იყო რუსეთის პრეზიდენტის საგრანტო ფონდის მიერ. ფორუმის ფარგლებში გაიმართული კონფერენცია „მედიის როლი რეგიონში ნდობის გამყარების საქმეში“, საპროტესტო აქციის ფონზე მიმდინარეობდა, რომლის მთავარი ლოზუნგიც იყო „რუსეთი-ოკუპანტია“