ენმ მარიხუანის კულტივაციის აკრძალვას კონსტიტუციაში შესაბამისი ჩანაწერის გაკეთებით ითხოვს

პოლიტიკა - 12:30, 10 Oct, 2018

1062

„ერთიანი ნაციონალური მოძრაობა“ მარიხუანის კულტივაციის კონსტიტუციით აკრძალვას ითხოვს. ოპოზიცია მზად არის საჭირო 200 ათასი ხელმოწერა შეაგროვოს და საკითხის რეფერენდუმზე გატანა მოითხოვოს. მათი თქმით ქვეყანაში მიმდინარე სახიფათო პროცესების თავიდან აცილება კონსტიტუციაში შესაბამისი ჩანაწერის გაკეთებით იქნება შესაძლებელი. ინიციატივის განხილვა დღეს საპროცედურო საქმეთა კომიტეტზე იგეგმება.

კანონპროექტის ინიციატორი მოქაკლაქეთა საინიციატივო ჯგუფია, რომელთა შემადგენლობაშიც შედიან: გ. ვაშაძე, პ. ბურჭულაძე, გ. ვაშაძე, ზ. უდუმაშვილი, კ. ნაყოფია, ზ. ხარატიშვილი, ნ. ვაშაკიძე, მ. გამყრელიძე, პ. მანჯგალაძე, ი. ნადირაძე, ბ. ქარდავა, ლ. ბეჟაშვილი, მ. ჯებაშვილი, ნ. მაჭუტაძე, ზ. მელიქიშვილი, შ. მალაშხია, ნ. მელია, ნ. კვიტაიშვილი, გ. ბოტკოველი

წარმოდგენლი კანონის პროექტით საქართველოს კონსტიტუციის 37-ე მუხლს ემატება შემდეგი შინაარსის მე-6 პუნქტი „დაუშვებელია ნარკოტიკული საშუალების ფსიქოტროპული ნივთიერების და პრეკურსორების წარმოების მიზნით კანაფის ან სხვა მცენარის კულტივირება, დათესვა, მოყვანა, გადამუშავება, შენახვა, გადაზიდვა, გადაგზავნა და გასაღება. აგრეთვე ასეთი საქმიანობის ლიცენზირება.“