"ოთარ ფარცხალაძე თანამდებობის პირებს სცემს, არსებული ინფორმაციით სხვებიც ჰყავს ნაცემი... პარლამენტის თავმჯდომარე კი იცავს ვიღაც კრიმინალს"

"ოთარ ფარცხალაძე თანამდებობის პირებს სცემს, არსებული ინფორმაციით სხვებიც ჰყავს ნაცემი... პარლამენტის თავმჯდომარე კი იცავს ვიღაც კრიმინალს" - ეკა გიგაური

პოლიტიკა - 01:05, 10 Oct, 2018

4886

პარლამენტის თავმჯდომარის განცხადებას, რომელმაც მესამე სექტორი "ფაშისტებად" შერაცხა, მნიშვნეოვანი საკითხებიდან ყურადღების გადატანის მცდელობად აფასებენ არასამთავრობო სექორის წარმომადგენლები.

საერთაშორისო გამჭვირვალობა - საქართველოს აღმასრულებელი დირექტორი ეკა გიგაური აცხადებს, რომ ხელისუფლება მესამე სექტორის დისკრედიტაციას ცდილობს

„მგონია, რომ პარლამენტის თავმჯდომარე შეეცადა, ორშაბათს ჩაეტარებინა ეს ბრიფინგი და ფაქტობრივად, ყურადღება გადაეტანა მნიშვნელოვანი საკითხებიდან უმნიშვნელო საკითხებზე და ფაქტობრივად, რას აკეთებენ, ხომ მეორე დღეა, ვსხედვართ ჩვენ და ვსაუბრობთ იმაზე, რომ არ ვართ ფაშისტები. მგონია, სასაცილოა ეს ყველაფერი. ამათი მთავარი მიზანი იყო ის, რომ ჩვენ არ გვესაუბრა კორუფციაზე, ჩვენ არ გვესაუბრა არაფორმალურ მმართველობაზე, ჩვენ არ გვესაუბრა ფარცხალაძე, ჩვენ არ გვესაუბრა ჩხარტიშვილი, არ გვესაუბრა ამ ადამიანების ხელშეუხებლობაზე, არ გვესაუბრა იმაზე, რომ პროკურატურა არის არაეფექტური, არ გვესაუბრა იმაზე, რომ მთლიანად ქართული ოცნება, დაწყებული პარლამენტის თავმჯდომარით და დამთავრებული რიგითი დეპუტატით, ჩართული არის იმაში, რომ გადაეფაროს ფარცხალაძე, ჩხარტიშვილს და ივანიშვილს და მათი პასუხისმგებლობა არ დადგეს იმ საქმეებთან დაკავშირებით, რომელიც მიმდინარეობდა ამ ჩანაწერებში,“ - განაცხადა ეკა გიგაურმა თოქშოუ "არჩევანის" ეთერში.

გიგაურის თქმით, ოთარ ფარცხალაძეს ხელით ეხება თანამდებობის პირებს სცემს, მათ შორის მოქმედს. "არის ინფორმაციების რომ სხვებიც ჰყავს ნაცემი... ადამიანი დადის და ადამიანებს სცემს და ამაზე პასუხი არ უნდა გასცენ? პარლამენტის თავმჯდომარე კი იცავს ვიღაც კრიმინალს, ეს ხომ ყველაფერი ფარსია. " - განაცხადა ეკა გიგაურმა.