რუსეთისთვის სანქციების მოხსნა ევროსაბჭოში - რეზოლუციის პროექტი ავტორმა უკან გაიწვია

პოლიტიკა - 20:57, 09 Oct, 2018

1447

ევროსაბჭოს საპარლამენტო ასამბლეის რეგლამენტის ცვლილებების შესახებ რეზოლუციის პროექტი, რომელიც რუსეთს ხმის უფლება დაბრუნების და ასემბლეის მუშაობაში სრულუფლებიანი წევრის სტატუსით ჩართვის საშულებას მისცემდა, ინიციატივის ავტორმა უკან გაიწვია. პროექტის ავტორის ბელგიელი პეტრა დე სუტერის თხოვნით, რეზოლუციის პროექტი კომიტეტს დაუბრუნდება.

რეზოლუციის პროექტის უკან გაწვევის გადაწყვეტილება ავტორმა მას შემდეგ მიიღო, რაც ევროსაბჭოს საპარლამენტო ასამბლეის სესიაზე პროექტთან დაკავშირებით მწვავე დებატები გაიმართა. დეპუტატების დიდი ნაწილმა რეგლამენტის ცვლილებების მიზნად რუსეთის დელეგაციისთვის სანქციების მოხსნა მიიჩნია, ამიტომ ინიციატივას დიდი წინააღმდეგობა შეხვდა. დეპუტატები მკვეთრი განცხადებებით გამოვიდნენ და კიდევ ერთხელ იმ მიზეზებზე, რის გამოც რუსეთს აღნიშნული სანქციები დაეკისრა. განცხადებები გააკეთეს რუსეთის აგრესიის მსხვერპლი ქვეყნების, საქართველოს და უკრაინის დელეგაციების წევრებმაც.

რუსეთს ევროსაბჭოს საპარალამენტო ასამბლეაზე ხმის უფლება 2014 წლის აპრილში ჩამოერთვა, მიზეზად კი რუსეთის მიერ ყირიმის უკანონო ანექსია დასახელდა. რუსეთის წინააღმდეგ დაწესებული სანქცია ამ დროის განმავლობაში რამდენჯერმე გახანგრძლივდა.