N15 ბაგა-ბაღის დირექტორს ძალადობა ენმ-ს წევრზე - თბილისის საბავშვო ბაგა-ბაღების მართვის სააგენტო განცხადებას ავრცელებს

პოლიტიკა - 17:35, 09 Oct, 2018

1677

თბილისის საბავშვო ბაგა-ბაღების მართვის სააგენტო განცხადება გაერთიანებულიოპოზიციის - „ძალა ერთობაშია“ წარმომადგენლების მიერ თბილისის N15 ბაგა-ბაღის დირექტორის მიმართ გამოთქმულ ბრალდებებს ძალადობის ფაქტთან დაკავშირებით განცხადებას ავრცელებს.

"გვსურს გამოვეხმაუროთ გაერთიანებული ოპოზიციის - „ძალა ერთობაშია“ წარმომადგენლების მიერ თბილისის N15 ბაგა-ბაღის დირექტორის მიმართ გამოთქმულ ბრალდებებს ძალადობის ფაქტთან დაკავშირებით.

განვმარტავთ, რომ აღნიშნული ბაღის დირექტორი მიმდინარე კვირაში სარგებლობს კუთვნილი შვებულებით და არ ასრულებს სამსახურებრივ მოვალეობას. იმის გათვალისწინებით, რომ ოპოზიციურმა პარტიამ უკვე მიმართა სამართალდამცავ ორგანოებს და დაწყებულია ფაქტის მოკვლევა, სააგენტო დაელოდება ამ უწყების დასკვნას და სწორედ ამის საფუძველზე მოხდება შესაბამისი რეაგირება.

აქვე, აუცილებლად მიგვაჩნია საზოგადოებას მივაწოდოთ ინფორმაცია იმის შესახებ, რომ ოპოზიციური პარტიის წარმომადგენლებს, რომლებიც ბაღების მართვის სააგენტოში მოვიდნენ პოლიტიკური მოთხოვნებითა და დესტრუქციული ქმედებებით, სააგენტოს ხელმძღვანელი კახაბერ გვანცელაძე მოადგილეებთან ერთად შეხვდა და პირადად განუმარტა საქმის ვითარება"- აცხადებენ თბილისის საბავშვო ბაგა-ბაღების მართვის სააგენტოში.

ოპოზიციის ცნობით, მაშინ როდესაც გრიგოლ ვაშაძის საარჩევნო შტაბის წევრები დიდუბეში ამომრჩეველს ხვდებოდნენ, ადგილზე „ქართული ოცნების“ მხარდამჭერები მივიდნენ. ოპოზიციის ინფორმაციით, ისინი პროვოკაციულ განცხადებებს აკეთებდნენ, ერთ-ერთმა კი რომელიც მე-15 საბავშვო ბაღის დირექტორია, ფიზიკური შეურაცხყოფა მიაყენა ზაალ უდუმაშვილის თანაშემწეს.