„თუ შემოუშვებთ რუსეთს კარიდან, კარგად შეამოწმეთ კარის სახელური“ - ევროსაბჭოში ხელთათმანებით მისული უკრაინელი დეპუტატი და რუსი ჟურნალისტის მოწყობილი პროვოკაცია

მსოფლიო - 17:25, 09 Oct, 2018

2190

ევროსაბჭოს საპარლამენტო ასამბლეის სხდომაზე, სადაც რუსეთის ევროსაბჭოში დაბრუნების საკითხს განიხილავენ, უკრაინის დელეგაციის წევრი ალეკსეი გონჩარენკო რეზინის ხელთათმანებით წარსდგა იმის ნიშნად, რომ რუსეთის ქიმიური თავდასხმისგან თავის დაცვაა საჭირო.

„თუ თქვენ შემოუშვებთ რუსეთს კარიდან, მაშინ კარგად შეამოწმეთ კარის სახელური. დღეს მე მოვედი ევროსაბჭოს საპარლამენტო ასამბლეის სხდომაზე დამცავი ხელთათმანებით, პარლამენტარებისთვის იმის საჩვენებლად, რა იქნება თუ შეიცვლება რეგლამენტი და რუსეთი ისევ ევროსაბჭოს რულფასოვანი წევრი გახდება.“- განაცხადა უკრაინელმა დეპუტატმა და მინიშნება გააკეთა რუსეთის მიერ ქიმიური იარაღის გამოყენებაზე.

გონჩარეკომ მოუწოდა ევროპარლამენტარებს, რომ არ დაყვნენ იმ პოლიტიკოსების ნებას, რომელთაც სურთ რუსეთის დელეგაციის დაბრუნება ორგანიზაციაში. მან დეპუტატებს შეახსენა პირობები, რომელიც რუსეთს უნდა შეესრულებინა:

„არსებობს კონკრეტული პირობები იმისთვის, რომ ქვეყანა-აგრესორმა ორგანიზაციაში თავისი წევრობა აღიდგინოს: ჩვენი პოლიტპატიმრების გათავისუფლება, დონბასიდან ჯარის გაყვანა, ყირიმის დაბრუნება. მხოლოდ ამის შემდეგ შეგვიძლია დავიწყოთ ლაპარაკი რუსეთის ევროსტრუქტურებში წარმოდგენის შესაძლებლობებზე.“- განაცხადა გონჩარენკომ.

უკრაინელ დეპუტატთან სხდომათა დარბაზის გარეთ რუსი ჟურნალისტი მივიდა და მისი პროვოცირება სცადა.