გაერთიანებული ოპოზიცია „ძალა ერთობაშია“ მმართველი გუნდის მიერ მხარდაჭერილი საპრეზიდენტო კანდიდატის სალომე ზურაბიშვილის საარჩევნო კამპანიის შემომწირველთა ვინაობას ასაჯაროებს.

ბათუმში გამართულ ბრიფინგზე მირდატ ქამადაძემ შპს” ვესტ ინვესტის”ყოფილი მეწილე გიორგი გველესიანი დაასახელა, რომელმაც ზურაბიშვილის კამპანიას 3 ოქტომბერს 60 ათასი ლარი გადაურიცხა.

ქამადაძის თქმით, "ვესტ ინვესტმა" სახელმწიფოსგან პირდაპირი მიყიდვის წესით, პრესტიჟულ ადგილას 3 ათას 508 კვ მეტრი მიწის ნაკვეთი მიზერულ თანხად შეიძინა, თუმცა მალევე რამდენიმე მილიონ დოლარად გაასხვისა "ორბი ჯგუფზე". მისივე მტკიცებით, გარიგებას აქვს ადგილი, რაც ზურაბიშვილის ფონდში თანხების გადარიცხვას უკავშირდება.

შპს” ვესტ ინვესტის”ყოფილმა მეწილე გიორგი გველესიანი "ქართული ოცნების" შემომწირველიც იყო. მან პარტიას 2016 წელს 60 ათასი ლარი გადაურიცხა.