"მექანიკურად რაღაც წამომცდა..."- გორის მერი, რომელმაც ომის დაწყებაში საქართველო დაადანაშაულა, განმარტებებს აკეთებს

პოლიტიკა - 13:34, 09 Oct, 2018

8842

გორის მერის სკანდალურმა განცხადებამ საზოგადოებისა და პოლიტიკოსების გაღიზიანება გამოიწვია. ოპოზიცია კონსტანტინე თავზჯარაშვილის იმპიჩმენტის პროცედურის დაწყებას ითხოვს. მაღალი თანამდებობის პირმა მოსახლეობასთან შეხვედრაზე 2008 წელს ომის დაწყებაში საქართველოს ხელისუფლება დაადანაშაულა და თქვა, რომ ცხინვალი ქართულმა მხარემ დაბომბა.

მოგვიანებით თავზჯარაშვილმა საკუთარი განცხადების განმარტება სცადა. გორის მერი ირწმუნება, რომ ის მოსახლეობას მხოლოდ რუსულ პროვოკაციებზე ესაუბრებოდა.

თავზარაშვილის განცხადებით, შეხვედრაზე ის ამბობდა, რომ ომი რუსეთმა დაიწყო, თუმცა საქართველოს ხელისუფლებას შეეძლო რუსული პროვოკაცია თავიდან აეცილებინა და საომარ მოქმედებებში არ ჩართულიყო.

„მე მოსახლეობას ამას ვუმარტავდი, რომ ომი დაიწყო რუსეთმა, მაგრამ იყო ისეთი პროვოკაციები რუსეთიდან გამოწვეული, რომ ჩვენს მთავრობას, მაშინდელ ხელისუფლებას შეეძლო ეს პროვოკაციები აეცილებინა და ამ ომში არ ჩაბმულიყო, ამასთან დაკავშირებით ჩვენი უცხოელი პარტნიორებიც გახსოვთ ალბათ კონდოლიზა რაისი, მაშინდელი ელჩი მაილსი, აფრთხილებდნენ მიხეილ სააკაშვილს, რომ პროვოკაციები იქნებოდა და არ წამოგებოდნენ ამ პროვოკაციებს"- ამბობს თავზარაშვილი.

თავზარაშვილი ამერიკის ყოფილი სახელმწიფო მდივნის მისამართით რასისტული კომენტარის გაკეთების გამო ბოდიშს იხდის.

„მე ნამდვილად არ მახსოვს ასეთი რაღაცა თუ მექანიკურად რაღაც წამომცდა ამაზე ბოდიშს ვუხდი“- ამბობს თავზარაშვილი.