აიძულეს თუ არა ექიმებს ასობით ლარი სალომე ზურაბიშვილისთვის შეეწირათ?

აიძულეს თუ არა ექიმებს ასობით ლარი სალომე ზურაბიშვილისთვის შეეწირათ? - აუდიტის სამსახური მოკვლევას იწყებს

პოლიტიკა - 09:38, 09 Oct, 2018

3097

აუდიტის სამსახური მედიკოსების მიერ სალომე ზურაბიშვილის დაფინანსების მოკვლევას იწყებს. უწყება ჩაჩავას და ღუდუშაურის კლინიკების ექიმების გამოკითხვას გეგმავს.

აუდიტორები სასამართლოს შემომწირველების საბანკო გადარიცხვებისა და შემოსავლების დაინტერესების თხოვნით მიმართავენ.

პროცესს აკვირდება მესამე სექტორიც, რომელიც ეჭვობს, რომ ექიმებს "ქართული ოცნების" მხარდაჭერილი კანდიდატისთვის ათობით ათასი ლარის შეწირვა აიძულეს.

სამოქალაქო სექტორმა ექიმების მიერ გადარიცხული 200 ათასი ლარის წარმომავლობის გარკვევა აუდიტორებისგან მას შემდეგ მოითხოვა, რაც ჩაჩავას კლინიკის ერთ-ერთმა ხელმძღვანელმა ნიკოლოზ კინტრაიამ 20 ათასი ლარის გადარიცხვის შემდეგ, „ფეისბუქზე“ დაწერა, რომ ის სალომე ზურაბიშვილის მხარდამჭერი არ არის.

„გავრცელებული ინფორმაცია აჩენს ეჭვებს, რომ არაპირდაპირ, შესაძლებელია, მესამე პირების გამოყენებით მოხდა შემოწირულობის განხორციელება, რაც კანონმდებლობით იკრძალება. ამ შემთხვევაში აუდიტის სამსახურს ეკისრება ვალდებულება რომ შეისწავლოს კონკრეტული ფაქტები და დაადგინოს ხომ არ მოხდა ამ პირების გამოყენება და ისე შემოწირულობის განხორციელება, რაც კანონმდებლობით იკრძალება,“-განაცხადა “სამართლიანი არჩევნების“ წარმომადგენელმა თათია ქინქლაძემ.