"TBC ბანკის უფლებამოსილმა პირებმა უხეშად დააღვიეს კანონი, ეს წარმოადგენდა გარკვეულ პირთა წინასწარი კანონსაწინააღმდეგო შეთანხების შედეგს"-ლევან აღდგომელაშვილი

პოლიტიკა - 20:05, 08 Oct, 2018

1445

„ომეგა ჯგუფის“ გენერალური მენეჯერი ლევან აღდგომელაშვილი აცხადებს, რომ TBC ბანკმა მილიონები ისე გასცა, რომ ოფშორიდან კომპანიის ბენეფიციარი მესაკუთრეების შესახებ სრული დოკუმენტაცია არ ჰქონდა მიღებული, ამგვარი დოკუმენტი ხელმისაწვდომი ბანკისთვის თანხის გაცემიდან ერთ კვირაში გახდა და ამით დაირღვა საქართველოს კანონმდებლობა.

„ბანკისთვის წარდგენილი არ ყოფილა ე.წ. „ინქუმბენსის სერთიფიკატი,“ რომელიც სავალდებულოა კომპანიის ბენეფიციარი მესაკუთრის ან მესაკუთრეების იდენტიფიცირებისთვის. ამგვარი სერთიფიკატი ოფშორულ ზონაში გაცემულ იქნა 2016 წლის 28 აპრილს. ანუ, თანხის განაღდებიდან ერთი კვირის შემდეგ. TBC ბანკის უფლებამოსილმა პირებმა 2016 წლის 21-22 აპრილს ერთი მილიონ 781 ათასი ამერიკული დოლარის შ.პ.ს. "ოლიმპუსის" დირექტორისათვის გაცემის დროს უხეშად დაარღვიეს უკანონო შემოსავლების ლეგალიზაციის აღკვეთის ხელშეწყობის შესახებ საქართველოს კანონის 5.2. და 6.10 მუხლების მოთხოვნები. ეს კანონდარღვევა არ ყოფილა შემთხვევითი და წარმოადგენდა გარკვეულ პირთა წინასწარი კანონსაწინააღმდეგო შეთანხების შედეგს.“ - განაცხადა ლევან აღდგომელაშვილმა.