"ჩვენ დანაშაულებების გამოვლენა დავიწყეთ, მათ შორის ჩემი წინამორბედის პერიოდში დაწყებულის"- იზორია

პოლიტიკა - 19:42, 08 Oct, 2018

731

ლევან იზორია ყოფილი თავდაცვის მინისტრის განცხადებას გამოეხმაურა, რომლის მიხედვითაც ის თავდაცვის უწყების ხელმძღვენელის პასუხიმგებლობაზე საუბრობს. „მე არ ვიცი ჩემი წინამორბედი რა პასუხისმგებლობას მაკისრებს, მე შემიძლია ერთი რამ ვთქვა, რომ დანაშაულებები, რომლებიც უკავშირდება საფინანსო დარღვევებს, არა ჩემი მინისტრად ყოფნის პერიოდში დაიწყო, არამედ 2016 წლის თებერვალსა და მარტში. საუბარია 100 ათასობით ლარის გადარიცხვაზე, ადამიანებზე რომლებიც გათავისუფლებულები იყვენენ. პირიქით ჩენი ოპერატიული მუშაობის შედეგია ის, რომ ჩვენ დანაშაულებების გამოვლენა დავიწყეთ, მათ შორის დანაშაულებების, რომლებიც ჩემი წინამორბედის პერიოდშია დაწყებული“-განაცხადა თავდაცვის მინისტრმა.

შეგახსენებთ, თავდაცვის ყოფილი მინისტრმა თინათინ ხიდაშელმა უწყებაში გამოვლენილი დარღვევების გამო ლევან იზორიას პაუხისმგებლობის დაყენება მოითხოვა:

"ლევან იზორიას თავდაცვის სამინისტროში მისვლა იყო ძალიან ცუდი მესიჯი, ცუდი გზავნილი უწყებისთვის, რომ შესაძლებელი იყო, ყველაფერი სხვაგვარად წარმართულიყო. მთელი ეს სკანდალები, სისხლის სამართლის დანაშაულები, რომელიც ამის შემდეგ ხდება, ფულის გაფლანგვა, დასკვნები, რომელსაც აუდიტის სამსახური დებს, არაფერი ჩემთვის არ არის გასაკვირი. ამაზე მისი დანიშვნის პირველ დღესვე ვსაუბრობდი,“- განაცხადა თავდაცვის ყოფილმა მინისტრმა, თინათინ ხიდაშელმა.