პარტია ”თავისუფალი საქართველოს” თავმჯდომარე, საქართველოს პრეზიდენტობის კანდიდატი კახა კუკავა, პარლამენტის თავმჯდომარის განცხადებებს ეხმაურება. საუბარია ირაკლი კობახიძის კრიტიკაზე არასამთავრობოების მიმართ ნიკა გვარამიას მხარდაჭერისთვის. კუკავა ამბობს, რომ კობახიძის მიერ თავდასხმა მედიასა და არასამთავრობო სექტორზე მათი "მთავარი მაფიოზის" წინააღმდეგ გაკეთებულმა განცხადებებმა განაპირობა.

"ქვეყანაში რომ დადის ეს სიკვდილის ბრიგადები, რომლებიც სარდაფებში ხალხს მიათრევს და გაუპატიურებით ემუქრება და თურმე, როგორ გავბედეთ ჩვენ, რომ ამ ქართული ოცნების წმინდათა წმინდა ძროხას, ოთარ ფარცხალაძეს შევეხეთ.

ამაზეა გამწარებული, დღეს პარლამენტის თავმჯდომარე,ადამიანი, რომელიც უნდა იყოს ქვეყნის პოლიტიკურ ძალებს შორის დიალოგის მთავარი მოდერატორი, რეალურად გადაქცეული არის, ქვეყნის ერთ-ერთი მთავარი მაფიოზის ფარცხალაძის პირად ადვოკატად და პირად პიარშჩიკად“,-ამბობს კუკავა.