ყალბ ეგზიტპოლებს ამზადებს ორივე ძალა, "ნაცმოძრაობაც" და "ოცნებაც"

ყალბ ეგზიტპოლებს ამზადებს ორივე ძალა, "ნაცმოძრაობაც" და "ოცნებაც" - შალვა ნათელაშვილი

პოლიტიკა - 14:50, 08 Oct, 2018

721

„საქართველოს ლეიბორისტული პარტიის“ პრეზიდენტობის კანდიდატი, შალვა ნათელაშვილი Edison Research-ის კვლევას უნდობლობას უცხადებს.

მისი თქმით, მმართველი პარტია და "ნაციონალური მოძრაობა" ყალბი ეგზიტპოლების გამოცხადებისთვის ემზადება.

„Edison Research დანაშაულებრივი ორგანიზაციაა და ეს კაი ხანია, გრძელდება. მე იძულებული ვხდები მივმართო მის კლიენტებს, აშშ-ის კონგრესს, სენატს, CNN-ს, Fox News, Samsung-ს და ყველა იმ კომპანიას, რომლებიც უკვეთავენ ამ სამარცხვინო კომპანიას რეიტინგებს, იცოდნენ რას აკეთებს ეს სტრუქტურა საქართველოში. ყალბ ეგზიტპოლებს ამზადებს ორივე ძალა, "ნაცმოძრაობაც" და "ოცნებაც". ერთი ამას გამოაცხადებს ალბათ „რუსთავი 2“-ით, მეორე გამოაცხადებს „იმედით“,“ - განაცხადა შალვა ნათელაშვილმა.

Edison Research-ის ბოლო კვლევა და ხალხის განწყობა არჩევნების წინ. შეკითხვაზე ხვალ რომ არჩევნები ტარდებოდეს, ვის მისცემდით ხმას. პასუხები ასე ნაწილდება - გრიგოლ ვაშაძე 31, სალომე ზურაბიშვილი 16%, დავით ბაქრაძე 15%, შალვა ნათელაშვილი 7%, არ ვიცი 21%. გამოკითხვა 25 სექტემბრიდან 4 ოქტომბერისჩათვლით მთელის საქართველოს მასშტაბით ჩატარდა და 3000 ადამიანი გამოიკითხა.