"დავიწყოთ ფართო მსჯელობა ახალი თაობის რეფორმების, წარმატების ქართული მოდელის შესაქმნელად"

"დავიწყოთ ფართო მსჯელობა ახალი თაობის რეფორმების, წარმატების ქართული მოდელის შესაქმნელად" - ვაშაძის მიმართვა საზოგადოებას

პოლიტიკა - 12:11, 08 Oct, 2018

578

საქართველოს პარლამენტის თავმჯდომარემ დღეს გამართულ ბრიფინგზე „ედისონ რისერჩის“ კვლევაზე ისაუბრა, რომლის მიხედვითაც მმართველი გუნდის მიერ მხარდაჭერილი პრეზიდენტობის კანდიდატი, სალომე ზურაბიშვილი რეიტინგით მეორე ადგილზეა. როგორც კობახიძემ აღნიშნა, ეს არის სიცრუე და „ქართული ოცნების“ რეიტინგებით, გრიგოლ ვაშაძე შესაძლოა „მესამე ადგილზეც ვერ გავიდეს“. მან გააკრიტიკა მესამე სექტორიც და ტელეკომპანია რუსთავი 2-ის გენერალური დირექტორი, ნიკა გვარამიაც.
ირაკლი კობახიძის განცხადებებს გაერთიანებული ოპოზიცია „ძალა ერთობაშია“-ს საპრეზიდენტო კანდიდატის გრიგოლ ვაშაძის საარჩევნო შტაბის ხელმძღვანელი გიორგი ვაშაძე გამოეხმაურა და აღნიშნა, რომ სხვებზე თავდასხმის მაგივრად, მმართველმა გუნდმა საზოგადოებას უნდა მოუსმინოს და ისე გადადგას ნაბიჯები. ვაშძე ახალი თაობის რეფორმების საჭიროებაზე ისაუბრა და საზოგადოებას ფარტო მასშტაბის მსჯელობაში ჩართვა მოუწოდა:
"მათ აქვთ ახლა მცდელობა, რომ რაღაც შიში შექმნან საზოგადოებაში გარკვეული მათი განცხადებებით, მე მინდა აბსოლუტურად მშვიდად ვთქვა, რომ 28 ოქტომბერს მშვიდად, წყნარად, ჩვენ უნდა გავიმარჯვოთ, იმიტომ, რომ ძალა ერთობაში და ერთიანობის და ძლიერების იდეას არანაირი ალტერნატივა არ აქვს...
გამოვდივართ ინიციატივით, დავიწყოთ ფართო საზოგადოებრივი მსჯელობა ახალი თაობის რეფორმებთან დაკავშირებით, ხვალ ჩვენ სასამართლოსთან დაკავშრებით გვექნება მსჯელობა, კარი ღიაა და ვისაც უნდა ჩაერთოს, მათ შრის მოვუწოდებთ სამოქალაქო სექტორს, ეკონომიკაზეც უნდა ვიმსჯელოთ, უნდა ვიმსჯელოთ სამართალდამცავ ორგანოებზეც, იმისთვის, რომ შევქმნათ განრიგი, წარმატების ქართული მოდელი. როგორი უნდა იყოს ქვეყანა, რომ მსგავსი ადამიანები აღარ ექცეოდნენ ქვეყნის ხლეისუფლების სათავეში და აღარასდროს განმეორდეს ქვეყანაში ის არაფორმალური მმართველობა, რომელმაც ჩამოშალა და დაანგრია თავიდან ბოლომზე ქვეყანა"- განაცხადა გიორგი ვაშაძემ.