ყოველდღიურად სტაბილურობის სადარაჯოზე ვიდგები, ეს ჩემი საპრეზიდენტო ვალდებულება იქნება, რასაც შევასრულებ, – ამის შესახებ პრეზიდენტობის დამოუკიდებელმაკანდიდატმა, სალომე ზურაბიშვილმა ახმეტის მუნიციპალიტეტში ამომრჩევლებთან შეხვედრაზე განაცხადა.

ზურაბიშვილმა ახმეტის მოსახლეობასთან იმ პრიორიტეტებზე ისაუბრა, რატომაც პოლიტიკაში მოსვლა სურს.

„ჩვენ სტაბილურობის ქვეყანა ვართ და ეს ჩვენთვის დიდი მონაპოვარია. სტაბილურობის გარეშე ქვეყანა ვერ ვითარდება, ადამიანიც მათ შორის. ჩვენ ამას მივაღწიეთ ბევრიძალისხმევის შედეგად და ეს არ იყო ადვილი და საჭიროა, სტაბილურობის შენარჩუნება. მე ვიქნები ამის გარანტი კონსტიტუციით, ასევე ყოველდღიურად სტაბილურობისსადარაჯოზე ვიდგები, ეს ჩემი საპრეზიდენტო ვალდებულება იქნება, რასაც შევასრულებ.

ჩვენი ქვეყანა სწორედ სტაბილურობით ფასობს მსოფლიოში. რთულ რეგიონში ვართ და ამის გათვალისწინებით სტაბილურობის კუნძულს გვეძახიან და ეს დიდი ღირებულებისმქონეა ევროპისთვისაც, მთელი მსოფლიოსთვის. ეს არის საქართველოს დანიშნულება, რომ ვიყოთ სტაბილურობის ქვეყანა და შევინარჩუნოთ იგი ყველაფრის მიუხედავად, ვიცითრა მტერიც გვყავს და როგორ ცდილობს თავისი გაიტანოს, მაგრამ ჩვენთვის თავდაცვა სტაბილურობაა ეს არის ხვალინდელი დღის იმედი",- განაცხადა ზურაბიშვილმა.

მისივე თქმით, ის იქნება ის რწმენის პრეზიდენტი.

„მე ვიქნები რწმენის პრეზიდენტი, რადგან მართლა მჯერა ამ ქვეყნის. მე, ამიტომ დავბრუნდი ამ ქვეყანაში, რომ მჯერა მისი მომავლის. მჯერა, რომ ბევრი არის გასაკეთებელი, გაკეთებული რომ ყოფილიყო შესაძლებელია არც დავბრუნებულიყავი. მაგრამ, გასაკეთებელი არის ბევრი და არა ცალ-ცალკე, არამედ ერთად. ჩემი დაბრუნება უნდა იყოს მაგალითიიმათთვის, ვინც ხვალ დაბრუნდება, რომლებიც აქედანაც არიან წასულები და დღეს სხვადასხვა ქვეყნებში ცხოვრობენ. მე თუ დავბრუნდი, ისინიც დაბრუნდებიან, როცა ამის დრომოვა და როცა ეს ქვეყანა მზად იქნება, რომ ღირსეულად მიიღონ ისინი. ამ დაბრუნებაში არის ჩემი მოვალეობა. დაბრუნება არ არის მხოლოდ მათი დაბრუნება, არამედ ჩვენიდაბრუნება ჩვენ თავთან, როგორც ქვეყანა, რომელიც არის ძლიერი, რომელიც არის მაგალითი თავის რეგიონში და მსოფლიოში. ამისთვის უნდა ვიყოთ ჩვენ ერთად, ერთადსაქართველოსთვის",- განაცხადა სალომე ზურაბიშვილმა.