საქართველოს პრეზიდენტი აღნიშნავს, რომ მიუღებელია სისხლიან 9 წელზე საუბარი და შემდეგ მასში მქომედი მთავარი პირების დაწინაურება. გიორგი მარგველაშვილის განცხადებით, ვინც იღებდა მონაწილეობას „ნაციონალური მოძრაობის“ რეპრესიულ მმართველობაში, დღეს ამ ხელისუფლების პირობებში არიან დაწინაურებულები.

„ისტორიას ბევრი კაზუსი ახსოვს, მაგრამ ერთდროულად შენ მუდმივად ამბობდე, მუდმივად აპელირებდე სისხლიან 9 წელიწადზე, მუდმივად საუბრობდე იმ კოშმარებზე, რაც ხდებოდა და ამავე დროს, ამ კოშმარების განმახორციელებლებს აწინაურებდე, ეს ის ემოციაა, რომელიც მოქალაქეში უბრალოდ გაურკვევლობას აღძრავს. ამაზე უკეთესი ყველაფერი იქნებოდა. ამაზე უკეთესი იმათი დევნაც იქნებოდა, ამაზე უკეთესი, იმ თემის დავიწყებაც იქნებოდა, მაგრამ ერთდროულად ამის კეთება ამდენი წლის განმავლობაში რომ ჩვენ მუდმივად ამათზე მივუთითებთ რომ აი ისინი. არც მაშინ დევნის მომხრე არ ვყოფილვარ მაგრამ აი ასეთი პოლიტიკური დისონანსის შექმნა ჩემთვის აბსოლუტურად გაუგებარია,“-განაცხადა გიორგი მარგველაშვილმა.