"ომეგა ჯგუფის" თანამშრომლების დაკითხვა - ოპოზიცია საერთაშორისო გამომძიებლების ჩამოყვანას ითხოვს, "ოცნება" ბიზნესრეკეტს გამორიცხავს

პოლიტიკა - 10:20, 05 Oct, 2018

900

„ომეგა ჯგუფის“ თანამშრომლის დაკითხვას პოლიტიკოსები კომპანიის წინააღმდეგ დაწყებულ ბრძოლას უკავშირებენ. ოპოზიციის ნაწილი სკანდალურ საქმეში საერთაშორისო გამომძიებლების ჩართვას ითხოვს, რადგან მათი შეფასებით, საქართველოს ძალოვან უწყებებს ამ საქმის გამოძიების პოლიტიკური ნება არ აქვთ.

გაერთიანებული ოპოზიცია - "ძალა ერთობაშიას" ერთ-ერთი ლიდერი, გიორგი ვაშაძე ამბობს, რომ სამართალდამცავი ორგანოები სისტემურად ჩამოშლილია. ხელისუფლება კი მთავარი მოწმეების დაშინებას ცდილობს.

„ჩვენ ხელისუფლება აღარ გვყავს, გვყავს კონკრეტული ადამიანების დავალებისშემსრულებელი რეკეტიორები,“ - აცხადებს გაერთიანებული ოპოზიციის ერთ-ერთი ლიდერიგიორგი ვაშაძე.

"ევროპული საქართველო" მესმე სექტორის აქტიურობის აუცილებლობაზე საუბრობს:

"მნიშვნელოვანია სამოქალაქო სექტორის აქტიურობა. გვაქვს ინიციატივა რომ მოვიწვიოთ საერთაშორისო ისეთი ტიპის გამომძიებლები, რომლებსაც ექნებათ საერთო საზოგადოებრივი ნდობა," - აცხადებს ირაკლი კიკნაველიძე.

უმრავლესობაში კი ჯიუტატ იმეორებენ, რომ მათი ხელისუფლების პირობებში ბიზნესზე ზეწოლა არ ხდება.

„არის რაღაც ბნელი სიტუაცია, რომელიც ომეგამ შექმნა და ამ ბნელ სიტუაციაში ცდილობს პოლიტიკური თემებით რაღაც დივიდენდი მიიღოს,“-აცხადებს საპარლამენტო უმრავლესობის წევრი გია ვოლსკი.