„მომავალი თაობების არჩევანია ადამიანისა და ეკონომიკის თავისუფლებაზე დაფუძნებული სახელმწიფო და არა - ნარკოტიკების მასშტაბური წარმოება“

„მომავალი თაობების არჩევანია ადამიანისა და ეკონომიკის თავისუფლებაზე დაფუძნებული სახელმწიფო და არა - ნარკოტიკების მასშტაბური წარმოება“ - ვაშაძე

პოლიტიკა - 12:06, 04 Oct, 2018

1134

გაერთიანებული ოპოზიცია „ძალა ერთობაშიას“ საპრეზიდენტო კანდიდატი, გრიგოლ ვაშაძე მოძრაობის სხვა ლიდერებთან ერთად ახალგაზრდებს შეხვდა.

განათლების რეფორმა, ქვეყნის დეოკუპაცია, კანაფის კულტივაციის თემა, ქვეყნის მოდერნიზაცია, რომელიც საქართველოს კონკურენტუნარიანს და მიმზიდველს გახდის 21 საუკუნის მსოფლიოში - ეს ის თემებია, რომელიც ვაშაძემ ახალგაზრდებთან შეხვედისას განიხილა.

“ჩვენი ხედვაა - მეტი ავტონომია და ნაკლები სახელმწიფო ჩარევა სასკოლო და უმაღლეს განათლებაში, ავტორიტეტული უნივერსიტეტების პროგრამების დანერგვა საქართველოში, განათლების სფეროს დაფინანსების გაორმაგება და მასწავლებლის ხელფასის გაზრდა 1000 ლარამდე.

მიხარია, რომ ჩვენს მომავალ თაობებს აქვთ მყარი პოზიცია, რომ საქართველოს არჩევანია ადამიანისა და ეკონომიკის თავისუფლებაზე დაფუძნებული სახელმწიფო და არა ნარკოტიკული ნივთიერებების მასშტაბური წარმოების პერსპექტივა.

კიდევ ერთხელ დავრწმუნდი, ასეთი განათლებული, ნიჭიერი, მოტივირებული და ენერგიული ახალგაზრდების პირობებში საქართველოს უდიდესი პერსპექტივა აქვს წარმატებული სახელმწიფო გახდეს”- აცხადებს ვაშაძე.