პორტალის წყარო აცხადებს, რომ ანზორ ბურჯანაძეს, რომელიც ზუგდიდში დაახლოებით ერთი კვირის წინ იმყოფებოდა, სამეგრელო-ზემო სვანეთის ვარდების რევოლუციამდელმა გუბერნატორმა ბონდო ჯიქიამ და ყოფილმა პრემიერმინისტრმა ოთარ ფაცაციამ უმასპინძლეს. წყაროს თქმით, სწორედ ოთარ ფაცაციას სახლში მიმდინარეობდა მოლაპარაკებები „ქართული ოცნების“ წევრების გადაბირების შესახებ.

„სმო.ჯი“-ს წყარო აცხადებს, რომ ნინო ბურჯანაძის მომხრეების განცხადება, თითქოსდა „ქართული ოცნება“ 90 წევრმა დატოვა და ბურჯანაძის მომხრე გახდა, სიმართლეს არ შეესაბამება: „სინამდვილეში „ქართული ოცნება“ მხოლოდ 9 წევრმა დატოვა, მათ კი ამ ციფრს ნული ურცხვად მიუწერეს“, - წერს წყაროზე დაყრდნობით „სმო.ჯი“.