პაშინიანი "ვა ბანკზე" მიდის - სომხეთის პრემიერი ვადამდელი საპარლამენტო არჩევნების დანიშვნის იმედით თანამდებობას ტოვებს

მსოფლიო - 20:58, 03 Oct, 2018

3535

სომხეთის პრემიერ-მინისტრი უახლოეს მომავალში თანამდებობას დატოვებას აპირებს. მანამდე პაშინიანმა ხელი მოაწერა 6 მინისტრის გათავისუფლების განკარგულებას, რომლებმაც მხარი დაუჭირეს რეგლამენტის ცვლილებას, რომელიც პარლამენტის დათხოვნის პროცედურის გართულებას გულისხმობს. პარლამენტის და მინისტრების ქმედებას ამ პაშინიანმა „კონტრრევოლუციის დასაწყისი“ უწოდა. მინისტრები, რომლებმაც აღნიშნულ ცვლილებას მხარი დაუჭირეს პარტია „აყვავებული სომხეთისა“ და „დაშნაკცუთიუნის“ წევრები იყვნენ.

რეგლამენტში შესული ცვლილების შემდეგ ერევნის ცენტრში პარლამენტის შენობასთან მრავალრიცხოვანი საპროტესტო აქცია გაიმართა, რომლის მონაწილეების წინაშეც პაშინიანი გაოვიდა და განაცხადა, რომ ის პრემიერ-მინისტრის თანამდებობიდან წავა და მოვალეობის შემსრულებლად დარჩება. პარლამენტს კი ახალი პრემიერის არჩევის საშუალებას არ მისცემენ, რის შემდეგაც ქვეყანაში ვადამდელი საპარლამენტო არჩევნები დაინიშნება:

„ჩვენ, ხალხთან ერთად შეგვიძლია არ მივცეთ საშუალება პარლამენტს აირჩიოს ახალი პრემიერი“- განაცხადა პაშინიანმა. ის ვადამდელი საპარლამენტო არჩევნების მიმდინარე წლის ბოლომდე ჩატარებას ითხოვს. ამასთან, ფაშინიანმა გამორიცხა არჩევნების 2022 წელს ჩატარება, რასაც რესპუბლიკელები ითხოვენ. ფაშინიანმა პირობა დადო, რომ მინისტრების გათავისუფლების ბრძანების ძალაში შესვლისთანავე, თავადაც დატოვებს თანამდებობას, რათა ის შემდეგ ვადამდელ საპარლამენტო არჩევნებზე აირჩიონ.

ნიკოლ პაშინიანი სომხეთის პრემიერი 2018 წლის მაისში მასშტაბურის საპროტესტო აქციების შემდეგ გახდა, რომელზეც პრემიერად ყოფილი პრეზიდენტის სერჟ სარგსიანის არჩევას აპროტესტებდნენ.