„ომეგა ჯგუფის“ საქმე - ეკონომიკის მინისტრი კვლავ დავალიანების გადახდას მოითხოვს. გიორგი ქობულია აცხადებს, რომ არსებული დავალიანების გამო, კომპანიის დამფუძნებლის, ზაზა ოქუაშვილის არ სჯერა.

"მე არ გამიჩნდა კითხვა, ვიცი, რომ ის ვალი რომ აწევს კომპანიას, მე ამას განვიხილავ ჩემი შინაგანი რწმენით, ამას განვიხილავ ამ კომპანიისგან, როგორც მცდელობას, რომ თავი აირიდოს ვალის გადახდისგან. ის ვალი რომ არ ჰქონდეს, მაშინ ვიფიქრებდი, რომ ამ ხალხს, ალბათ, არც ვალი აქვს, წესიერი ბიზნესმენები არიან და ასეთ ბრალდებებს გვიყენებენ და მოდით, გავერკვეთ, რაშია საქმე. აქ პირველი საკითხი მოვაგვაროთ და მერე, როცა მოვაგვარებთ, მერე ვიფიქროთ სხვა საკითხებზე,“- განაცხადა გიორგი ქობულიამ.