საქართველოს ყოფილი პრემიერ-მინისტრი ვანო მერაბიშვილი კლინიკაში რჩება. შინაგან საქმეთა ყოფილი მინისტრი „მედიკლაბში“ გუშინ გადაიყვანეს, როგორც ცნობილია აღნიშნულის მიზეზი მისი ჯანმრთელობის მდგომარეობის გაუარესება გახდა. გამოკლველევის ჩატარების შემდეგ ის კლინიკაში დატოვეს.

ადვოკატები და ოჯახის წევრები პასუხებს ითხოვენ და ორთვიან უშედეგო მკურნალობაზე პასუხისმგებლობას ხელისუფლებას აკისრებენ. როგორც ადვოკატი გიორგი ჩივიაშვილი აცხადებს, იურისტებმა უკვე მიმართეს „მედიკლაბის“ ხელმძღვანელობას და სთხოვეს რომ კონსილიუმს დაასწრონ მერაბიშვილის ოჯახის მიერ შერჩეული ექიმები.

„ჩვენი მოთხოვნაა კონსილიუმს დაესწრონ ოჯახის მიერ მოძიებული ექიმები, ჩვენ ახლა მივმართავთ სასჯელაღსრულების სამინისტროს ამ მოთხოვნით. მათთვისაც მისაღები უნდა იყოს, თუკი ეს კონსილიუმი იქნება მოცულობითი. რა თქმა უნდა, გვაქვს უნდობლობა. მეხუთედ მოხდა მერაბიშვილის გაყვანა ჩვენ ეჭვი გვაქვს, რომ ეს მოჩვენებით გაყვანებს დაემსგავსა, თითქოს საზოგადოებაში ქმნიან ილუზიას რომ მას მკურნალობენ.

დღემდე ეს ადამიანი მკურნალობის ქვეშ არ იმყოფება. ამ კლინიკაში გადმოყავანის მიზანი არი სმხოლოდ და მხოლოდ ის, რომ 8 ნივთიერებაზე ხომ არ არის მოწამლული, ეს ნივთიერებები არის ტყვია, თუთია, მაგნიუმი ის მძიმე მეტალები რაც შეიძლება ნებისმიერ ჩვენთაგანს ჰქონდეს დაბინძურებული გარემოს გამო. ეს ყველაფერი გვაფიქრებინებს, რომ მათ სურთ მიიღონ ისეთი დოკუმენტალური "გაპრავება," რაც მათთვის მისაღები იქნება“-აცხადებს გიორგი ჩივიაშვილი.