ტელეკომპანია „იბერიასა“ და „ომეგა ჯგუფის“ საქმე - ნატო ჩხეიძის სასამართლო წესით გამოკითხვა დღეს მოხდება, ზაზა ოქუაშვილი კი პროკურატურამ გამოსაკითხად ხვალისთვის კიდევ ერთხელ დაიბარა. ჩხეიძემ პროკურატურას უნდობლობა გამოუცხადა და სასამართლოს წესით დაკითხვა მოითხოვა.

რაც შეეხება პარტია „პატრიოტთა ალიანსის“ დატოვებას, ამ საკითხზე დეპუტატმა საკანონმდებლო ორგანოს უკვე მიმართა.

„ფრაქცია დავტოვე ორი კვირის წინ, მაშინ შევთანხმდით რომ 8 ოქტომბერს დავწერდი განცხადებას ფრაქციის დატოვების შესახებ. მოვლენები ისე წარიმართა, ქალბატონი ირმა ინაშვილის ძალიან აქტიურობამ, დამაჩქარებინა, რომ 8 ოქტომბერი გადმომეწია 2 ოქტომბრისთვის,“-ამბობს ნატო ჩხეიძე.