„პატრიოტთა ალიანსი“ „ერთიანი ნაციონალური მოძრაობის“ დანაშაულებრივ რეჟიმად გამოცხადებას ითხოვს, შესაბამის რეზოლუციაზე პარლამენტის იურიდიულ საკითხთა კომიტეტმა იმსჯელა. რეზოლუციის პროექტში ნათქვამია, რომ მიხეილ სააკაშვილისა და გიგა ბოკერიას მმართველობის პერიოდში საქართველოში დანაშაულებრივი, ავტორიტარული რეჟიმი დამყარდა.

„არ შეიძლება, ჩვენს ქვეყანაში მუდმივად იყოს პოლიტიკური განურჩევლობა. თუ იყავი იმ რეჟიმის ორგანიზატორი, რომელიც აწამებდა ადამიანებს, ართმევდა ქონებას, არბევდა მედიას, დემონსტრაციებს. შენ აღარ უნდა გქონდეს პოლიტიკური საქმიანობის გაგრძელების უფლება და უნდა აგო პასუხი,“- ამბობს ირმა ინაშვილი.

იმ შემთხვევაში, თუ პარლამენტი მხარს დაუჭერს დოკუმენტს, მისი ძალაში შესვლიდან 6 თვეში მიხეილ სააკაშვილისა და გიგა ბოკერიას პასუხისმგებლობის საკითხი დადგება.