შავი პიარკამპანია გაერთიანებული ოპოზიციის „ძალა ერთობაშია“-ს საპრეზიდენტო კანდიდატის გრიგოლ ვაშაძის წინააღმდეგ - გაერთიანებული ოპოზიციის წარმომადგენლების განცხადებით, აღნიშნულს სახელმწიფო უსაფრთხოების სამსახური კურირებს. გრიგოლ ვაშაძის საარჩევნო შტაბის ხელმძღვანელი, გიორგი ვაშაძე პლაკატების გაკვრაში სუს-ის თანამშრომლებს ადანაშაულებს.

„ჩვენ გვაქვს უკვე დამადასტურებელი ფაქტი, რომ პირდაპირ სამართალდამცავი ორგანოების წარმომადგენლები, ამ შემთხვევაში სუს-ის წარმომადგენლები კანონდარღვევით აკრავენ პლაკატებს მთელი ქალაქის მასშტაბით. წარმოიდგინეთ, იმ დონეზე დაეცა „ქართული ოცნება“, რომ სამართალდამცავი ორგანოების თანამშრომლებს ავალებს შუა ღამით იარონ და პლაკატები გააკრან ქალაქში, რომელზეც არის ნეგატიური Fake კამპანია ჩვენი კანდიდატის, გრიგოლ ვაშაძის წინააღმდეგ,“- განაცხადა გიორგი ვაშაძემ.